ءىس-شارانىڭ كۇن ءتارتىبى قاۋىپسىزدىك جانە ونىڭ ودان ءارى دامۋ كەلەشەگى تۇرعىسىنان يسلام الەمى ءۇشىن وزەكتى بولىپ تابىلاتىن ماسەلەلەردىڭ كەڭ اۋقىمىن قامتىدى. كۇن ءتارتىبى بويىنشا نەگىزگى ماسەلە رەتىندە بانگلادەش جانە ميانمانىڭ شەكارا ماڭى ايماعىنان روحيندجا حالقىنىڭ جاپپاي كوشۋ ناتيجەسىندە تۋىنداعان اۋقىمدى گۋمانيتارلىق داعدارىس جايى قارالدى. ق.ءابدىراحمانوۆ ءوز سوزىندە قازاقستان روحيندجا حالقىن قورعاۋداعى ۇجىمدىق ەرىك-جىگەر مەن جاۋاپكەرشىلىكتى تولىق ۇستاناتىنىن اتاپ ءوتتى. بيىلعى ءساۋىر ايىندا قازاقستان ۇكىمەتى بانگلادەشتەگى روحيندجا بوسقىندارىنا 500 مىڭ دوللار كولەمىندەگى گۋمانيتارلىق كومەك كورسەتىپ, ول ءتيىستى جەرلەرگە جەتكىزىلگەن.
مينيستر, سونداي-اق مۇسىلمان ەلدەرىنىڭ اراسىنداعى قاتىناستاردا شىدامدىلىقتى نىعايتۋدىڭ جانە مەملەكەتارالىق ديالوگقا دايىندىقتى قامتاماسىز ەتۋدىڭ ماڭىزدىلىعىن اتاپ كورسەتتى. وسىعان بايلانىستى قازاقستان 2016 جىلى پرەزيدەنت نۇرسۇلتان نازارباەۆ پەن تۇركيا پرەزيدەنتى رەجەپ تايپ ەردوعان ۇسىنعان يسلام تاتۋلاستىعى باستاماسىنا باستى نازار اۋدارادى. قاراردىڭ ءتيىستى تۇجىرىمدامالارى يىۇ ءسىم كەڭەسىنىڭ قاراۋىنا ۇسىنىلدى.
يسلام ىنتىماقتاستىعى ۇيىمى سىرتقى ىستەر مينيسترلەرى كەڭەسىنىڭ وسى 45-ءشى وتىرىسىنىڭ قورىتىندىلارى بويىنشا دەكلاراتسيا مەن بىرقاتار رەزوليۋتسيالار قابىلداندى.
يىۇ ءسىم كەڭەسى پرەزيدەنت نۇرسۇلتان نازارباەۆتىڭ «عالامدىق داعدارىسقا قارسى شەشىمدەردى ىزدەۋگە قاتىساتىن ەلدەر سانىن كەڭەيتۋ ارقىلى xالىقارالىق ەكونوميكالىق ساياساتتى ايقىنداۋداعى ەڭ سالماقتى كۇش رەتىندە جاڭا G-Global كوممۋنيكاتسيالىق پلاتفورماسىن قۇرۋ» جونىندەگى باس-
تاماسىن قوشەمەتتەدى. رەزوليۋتسيا «باسقا مەكەمەلەرمەن ۇيلەستىرە وتىرىپ, يسلام ىنتىماقتاستىعى ۇيىمى مەن يسلام دامۋ بانكىنىڭ باس xاتشىلىقتارىنىڭ G-Global پلاتفورماسىنا قاتىسۋ ماسەلەسىن قاراستىرۋعا شاقىرادى».
بولەك قۇجاتتا قازاقستان پرەزيدەنتى نۇرسۇلتان نازارباەۆ پەن تۇركيا پرەزيدەنتى رەجەپ تايپ ەردوعاننىڭ يسلامدىق تاتۋلاسۋ تۋرالى بىرلەسكەن دەكلاراتسياسىنا قولداۋشىلىق تانىتىلعان. «يىۇ ءسىم كەڭەسى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ باستاماسىمەن وتكىزىلەتىن الەمدىك جانە ءداستۇرلى دىندەر كوشباسشىلارىنىڭ سەزىنە يىۇ-نىڭ قولداۋىن راستايدى جانە 2018 جىلعى 10-11 قازاندا استانادا ء«دىني كوشباسشىلار قاۋىپسىز الەم ءۇشىن» ۇرانىمەن وتەتىن VI سەزگە يىۇ-عا مۇشە مەملەكەتتەر مەن حالىقارالىق قوعامداستىقتىڭ ءدىني كوشباسشىلارىن بەلسەندى قاتىسۋعا شاقىرادى», دەگەن ءسوز تاقىرىپتىق قاراردا اتاپ كورسەتىلگەن.
قارۋ-جاراقتى وڭىرلىك باقىلاۋ جانە قارۋسىزدانۋ جونىندەگى قارار «يىۇ-عا مۇشە مەملەكەتتەردەن عانا تۇراتىن ءبىرىنشى ايماق بولعان» ورتالىق ازيادا يادرولىق قارۋدان ازات ايماق تۋرالى كەلىسىمنىڭ 2009 جىلى 21 ناۋرىزدا كۇشىنە ەنۋىن قولدادى.
قازاقستاننىڭ باستاماسى بويىنشا بۇرىنعى سەمەي يادرولىق پوليگونىنا, حالىقارالىق يادرولىق سىناقتارعا قارسى ءىس-قيمىل كۇنىنە جانە ارال تەڭىزىنىڭ ايماعىن قالپىنا كەلتىرۋگە ارنالعان قارار قابىلداندى.
تاعى ءبىر ەرەكشە توقتالا كەتەر جايت, سەسسيا بارىسىندا قازاقستاندىق ديپلومات اسقار مۋسينوۆ يىۇ باس حاتشىسىنىڭ عىلىم جانە تەحنولوگيالار جونىندەگى ورىنباسارى بولىپ سايلاندى.
سايلاۋداعى بۇل جەڭىس قازاقستان وكىلى يىۇ-دا وسىنداي جوعارى لاۋا-
زىمعا بۇرىن-سوڭدى تاعايىندالماعانىمەن دە ەرەكشە بولىپ وتىر. ا.مۋسينوۆتىڭ سايلاۋداعى قارسىلاسى بانگلادەشتىك ديپلومات كامرۋل احسان بولعان ەدى. قازاقستان وكىلىنە يىۇ ازيالىق توپتىڭ 18 مۇشەسىنىڭ 12-ءسى داۋىس بەردى.
دايىنداعان
جولدىباي بازار,
«ەگەمەن قازاقستان»
