ترەنينگ بارىسىندا قىزمەتكەرلەردىڭ كاسىبي-پسيحولوگيالىق دايارلىعى جانە جەكە قۇرامنىڭ كاسىبي قىزمەتىن پسيحولوگيالىق قامتاماسىز ەتۋ بويىنشا «ىشكى ىستەر ورگاندارىنىڭ قىزمەتكەرلەرى اراسىندا وزىنە-ءوزى قول جۇمساۋدىڭ الدىن الۋ», «پروفايلينگ», «كيكىلجىڭنىڭ الدىن الۋ جولدارى», «ەكسترەمالدىق جاعدايلارعا قارسى توتەپ بەرە ءبىلۋ» تاقىرىپتا ءتۇسىندىرۋ جۇمىستارى وتكىزىلىپ, جان-جاقتى كەڭەستەر بەرىلدى.
قىزمەتكەرلەر ءبىرىن-ءبىرى باعالاي بىلۋگە, جاعىمدى قارىم-قاتىناس ورناتۋعا جانە ۇيىمداستىرۋشىلىق قابىلەتتەرىن دامىتۋعا باعىتتالۋ ماقساتىنداعى ترەنينگتە قىزمەتكەرلەرگە «سەزىن», «سەزىن», «پويمي مەنيا», «شىرماۋىق», «سەنىم», «كەرى قاتىناس» جاتتىعۋلارى جۇرگىزىلدى.
-قىزمەتكەرلەرگە باسشىنىڭ جەكە تۇلعاسىنا ءتان ماڭىزدى قاسيەتتەرىن, داعدىلارى مەن بىلىكتىلىگى جونىندە ماعلۇمات بەرىلدى. ستراتەگيالىق ويلاۋ, ۇيىمداستىرۋ قابىلەتى, كوممۋنيكاتسيا, سىرتقى بايلانىس, قارىم-قاتىناس داعدىلارى, باسشىلىق ءستيلى, جۇمىس ساپاسىنا كوڭىل اۋدارۋ مەن ماداقتاۋ, قويىلعان ماقساتتارعا قول جەتكىزۋ جانە ت.ب. وسى قاسيەتتەردىڭ بارلىعى باسشىعا ءتان قاسيەتتەر ەكەندىگى ايتىلدى. ترەنينگ بارىسىندا قىزمەتكەرلەر وزدەرىنىڭ جەكە باسىنىڭ قاسيەتتەرىن تاني ءبىلدى. ءبىر-بىرىمەن جاقسى قارىم-قاتىناس ورناتىپ, تەرەڭ تانىسىپ, ءبىر-بىرىنە قولداۋ كورسەتتى. قىزمەتكەرلەر ترەننينگ سوڭىندا وزدەرىن جەڭىل سەزىنىپ, جاقسى كوتەرىڭكى كوڭىل كۇيمەن ۇيىمداستىرۋشىلىققا, قاراماعىنداعىلارمەن وزىنە سەنىم بىلدىرگەن ادامدارعا جاۋاپكەرشىلىكپەن قاراپ, ترەنينگتە سانالى تۇردە سەزىنە ءبىلۋ تۇيسىكتەرىن ايقىنداي ءتۇستى, دەيدى ماڭعىستاۋ وبلىسى ءىىد كجب ينسپەكتور-پسيحولوگى پوليتسيا اعا لەيتەنانتى اقىلبەك ايدارباەۆ.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
