وبلىس قالالارى مەن اۋداندارى اكىمدەرىنىڭ سەلەكتورلىق ماجىلىسىندە ءوڭىردى دامىتۋدىڭ 110 كورسەتكىشىنىڭ 82-ءسى بازالىق بولىپ سانالاتىن, ونىڭ 71-ءى تابىستى ورىندالعانى, قالعان 11 – ەكونوميكا مەن الەۋمەتتىك سالالاردا كۇردەلى پروبلەمالار بار ەكەندىگىن كورسەتكەنى ايتىلدى. وڭدەۋ ونەركاسىبىندە, شاعىن جانە ورتا بيزنەستە كورسەتكىش كوڭىلدەگىدەي بولماعان. وڭدەۋ ونەركاسىبىندەگى تومەن كورسەتكىشكە «اگروماشحولدينگ» زاۋىتىنداعى اۋىل شارۋاشىلىعى كومبايندارىن شىعارۋ مەن "ەۆرازكاسپيانستال زاۋىتىنداعى بولاتتان قۇيىلاتىن تەمىر شىبىقتار مەن سىمداردى ءوندىرۋدىڭ تومەندەۋى اسەر ەتكەن. نەگىزگى ينۆەستيتسيالاردىڭ باعىتتالۋىنا قاراماي اۋىل شارۋاشىلىعىندا دا ينديكاتور 1,2 پايىزعا ورىندالماي قالدى. مال شارۋاشىلىعىندا ۋاق مال سانىنىڭ ازايعانى ايتىلدى. سونىمەن قاتار, وبلىستا اپات جاعدايىندا جۇمىس ىستەپ تۇرعان ءۇش مەكتەپتىڭ, قوستاناي قالاسىندا ءالى دە بالالار ءۇش اۋىسىمدا وقيتىن مەكتەپتەردىڭ بارلىعىنا بايلانىستى ء بىلىم سالاسى دا مەجەگە جەتە المادى. ال دەنساۋلىق ساقتاۋ سالاسىندا انا مەن بالا ءولىمىنىڭ توقتاماي وتىرعانى الەۋمەتتتىك سالاداعى پروبلەمالاردان حابار بەردى.
اۋداندار اراسىنان قامىستى مەن ۇزىنكول اۋدانىندارىندا تاپسىرمالاردىڭ ورىندالۋ كورسەتكىشى 90 پايىزدى قۇراپ, كوش باستادى. امانگەلدى, اۋليەكول, دەنيسوۆ, جىتىقارا, قامىستى, قاراسۋ, مەندىكارا, سارىكول, فەدوروۆ اۋداندارىندا سالالار بويىنشا كورسەتكىشتەر تومەن بولدى. ناۋىرزىم اۋدانىندا وڭدەۋ كاسىپورىندارى جوقتىڭ قاسى. وبلىس اكىمى ارحيمەد مۇحامبەتوۆ اۋدان, قالا باسشىلارىنا كەمشىلىكتەردى جويۋدى تاپسىردى.
ءنازيرا جارىمبەت,
«ەگەمەن قازاقستان»
قوستاناي
