ايماق باسشىسى نۇرلان نوعاەۆ «اتىراۋ» اكك ۇك» اق باسشىلىق قۇرامىمەن جۇمىس ءماجىلىسىن وتكىزدى. كەزدەسۋ بارىسىندا وبلىس اكىمىنە الەۋمەتتىك-كاسىپكەرلىك كورپوراتسياسىنىڭ جۇمىسى تانىستىرىلىپ, ينۆەستيتسيالىق جوبالاردى جۇزەگە اسىرۋ جوسپارى ايتىلدى.
كورپوراتسيا قۇرىلعان 2010 جىلدان بەرى مەكەمە كىرىسى 6,7 ملرد تەڭگەگە جەتكەن. «اتىراۋ» اكك ۇك» اق باسشىسى مارات تۇسىپقاليەۆتىڭ ايتۋىنشا, 8 جىلدا 20 ءىرى جوبا جۇزەگە اسقان.
-ولار تاۋارلى ءسۇت فەرماسى, ءجون وڭدەۋ زاۋىتى, كوكونىس وڭدەۋ تسەحى, قويما جايلارى, باسقا دا وندىرىستىك ورتالىقتار سىندى ءىرى مەكەمەلەر. بىراق كەيبىر كاسىپكەرلەر كورپوراتسيادان بەرىلگەن قاراجاتتى قايتارۋعا اسىقپاي وتىر, - دەدى مارات تۇسىپقاليەۆ. –مۇنىڭ ءار ءتۇرلى سەبەپتەرى بار. ءبىز كاسىپكەرگە بيزنەسىن دامىتۋعا قاجەت قولايلى جاعداي جاساۋعا تىرىسىپ كەلدىك, الايدا كەيبىر قارىز الۋشىلاردىڭ جاۋاپكەرشىلىككە ىقىلاسسىز قاراۋى ناتيجەسىندە بيۋدجەت قاراجاتىنىڭ ۋاقىتىلى قايتارىلماۋ دەرەكتەرى تىركەلىپ وتىر. بۇل ءوز كەزەگىندە ءبىزدىڭ قۇزىرلى ورگاندارعا جۇگىنۋىمىزگە, قارىز الۋشىعا قاتىستى شارا قولدانۋىمىزعا ءماجبۇر ەتۋدە.
نۇرلان نوعاەۆ ديرەكتورلار كەڭەسىنە ينۆەستيتسيالىق پورتفەلگە باقىلاۋدى كۇشەيتىپ, قارجىلاندىرىلعان سۋبەكتىلەردىڭ قىزمەتىنە بەلسەندى قاتىسۋدى تاپسىردى.
- ءبىزدىڭ مىندەتىمىز قۇر اقشا ءبولىپ وتىرۋ ەمەس, قاراجاتتىڭ ماقساتتى جۇمسالۋىن قاداعالاۋ, - دەپ اتاپ ءوتتى اكىم. –سونىمەن قاتار, كاسىپكەرگە نەگىزگى ماسەلەلەر بويىنشا كومەك كورسەتىلىپ, كەڭەس بەرۋ كەرەك. بۇل ىسكە جەرگىلىكتى اتقارۋشى ورگانداردىڭ وكىلدەرى – بارلىق دەڭگەيدەگى اكىمدەر, وبلىس اكىمىنىڭ ورىنباسارلارى, باسقارما باسشىلارى مەن ءبولىم جەتەكشىلەرى جۇمىلۋلارى كەرەك. اكك ينۆەستيتسيالايتىن جوبالار ايماق ءۇشىن وتە قاجەت – جۇمىس ورىندارى قۇرىلادى, وبلىستىڭ اۋىل شارۋاشىلىعىنان باستاپ قۇرىلىسقا دەيىنگى ءار ءتۇرلى سالالارىنىڭ دامۋىنا وڭ ىقپال ەتەدى. قارىز قاراجاتىنىڭ قايتارىلۋىنا باقىلاۋ دا ۇنەمى نازاردا بولۋى ءتيىس. مۇنداي وپەراتسيالار كەزىندە مەملەكەتتىڭ مىندەتى – بيزنەستىڭ دامۋىنا ينۆەستيتسيا ارقىلى سەرپىن بەرۋ, قاراجات قايتارىلعاننان كەيىن ونى وبلىسقا قاجەت باسقا مەكەمەگە سالۋ كەرەك.
ايتا كەتەيىك, قازىر «اتىراۋ» اكك ايماقتىڭ الەۋمەتتىك سالاسىندا 17 ينۆەستيتسيالىق جوبانى جۇزەگە اسىرۋدا.
