ر.دالەنوۆتىڭ ايتۋىنشا, بۇدان باسقا اككرەديتاتسيادان اۋەجايدان (نۇرسۇلتان نازارباەۆ اۋەجايى), سونىمەن بىرگە «مارريوت», «ريكسوس», «دۋمان» وتەلدەرى مەن «كەرۋەن» ساۋدا-ويىن-ساۋىق ورتالىعىنان دا وتۋگە بولادى. تىركەۋ جۇمىستارى اەف بازاسىنداعى Global Challenges Summit ەۋرازيالىق كونگرەسىنىڭ سوڭعى كۇنىنە دەيىن جۇمىس جاساماق.
ۇلتتىق ەكونوميكا مينيسترلىگىنىڭ ستراتەگيالىق جوسپارلاۋ جانە تالداۋ دەپارتامەنتى ديرەكتورىنىڭ ورىنباسارى باۋىرجان تۇرلىبەكوۆ فورۋمعا قاتىسۋعا نيەت بىلدىرۋشىلەرگە اككرەديتاتسيا جاساۋ ءۇشىن ەكى پاكەت ۇسىنىلاتىنىن ايتتى. ءبىرىنشىسى ستاندارت پاكەتى, ونىڭ قۇنى 35 مىڭ تەڭگەنى قۇرايدى. بۇل قاراجاتقا بەلگىلى ءبىر پانەلدىك سەسسيالارعا قاتىسۋ جانە دە تاماقتانۋ كىرەدى. ەكىنشى پاكەتتىڭ قۇنى 150 مىڭ تەڭگەنى قۇرايدى. وندا قاتىسۋشى بارلىق پىكىرتالاس الاڭىنا ەمىن-ەركىن كىرىپ, ەلباسى قاتىساتىن پلەنارلىق وتىرىسقا دا كىرۋ مۇمكىندىگىنە يە بولادى. ۇيىمداستىرۋشىلاردىڭ ايتۋىنشا, پاكەتتەر قۇنىنا قاراماستان كەلەتىن قاتىسۋشىلار سانى 5 مىڭدى قۇرايدى دەگەن جوسپار بار. وسىلايشا مەملەكەت فورۋم ۇيىمداستىرۋعا جۇمساعان 410 ملن تەڭگەنى قايتارىپ الۋدى كوزدەيدى. اەف-قا تەگىن كىرۋ مۇمكىندىگى تەك باق-قا بەرىلىپ وتىر. شاراعا ءارىسى شەتەلدەن, بەرىسى قازاقستاننان 700-گە جۋىق ءتىلشى قاتىسپاق.
ۇيىمداستىرۋشىلاردىڭ ايتۋىنشا, XI استانا ەكونوميكالىق فورۋمىنىڭ نەگىزگى ەرەكشەلىگى − بۇل جولى ءۇش كۇنگە سوزىلادى. العاشقى ەكى كۇندە قاتىسۋشىلار جاھاندىق ماسەلەلەردى تالقىلاماق. ال ءۇشىنشى كۇنى نەگىزگى سپيكەرلەر التى باعىت بويىنشا قازاقستان ۇكىمەتىمەن, سونداي-اق ساراپشىلارمەن بىرگە جۇمىس ىستەيتىن بولادى.
«ەگەمەن-اقپارات»
