سەنات توراعاسى 2016 جىلعى قىركۇيەگىندە حكۇ-نىڭ بۇۇ قۇرامىنا ەنۋى جونىندەگى كەلىسسوز ۇدەرىستەرىندەگى ونىڭ جەكە ءرولىن جوعارى باعالادى. بۇل قادام كوشىپ-قونۋشىلارعا كورسەتىلەتىن كومەكتىڭ ۋاقىتىندا بولۋى مەن تيىمدىلىگىن ارتتىرۋعا جانە ولاردىڭ وزەكتى ماسەلەلەرىن شەشۋگە ارنالعان ۇزاق مەرزىمدى ستراتەگيالىق جوسپارلاۋ شارالارىن قابىلداۋعا مۇمكىندىك بەرەدى.
ق.توقاەۆ ايماقتاعى جانە دۇنيە جۇزىندەگى كوشى-قون ۇدەرىستەرىن رەتتەۋ جونىندەگى مىندەتتەردى شەشۋدە حكۇ-نىڭ ماڭىزى زور ەكەنىن اتاپ ءوتتى. «قازاقستان حكۇ-نىڭ بەلسەندى ارىپتەسى بولۋ جانە ۇيىممەن ءوزارا ءىس-قيمىلىن كەڭەيتۋ نيەتىندە قالا بەرەدى. كوشى-قون ماسەلەلەرىن رەتتەۋ تاياۋ ۋاقىتتا قازاقستاننىڭ كۇن تارتىبىندەگى باستى سالالاردىڭ قاتارىندا بولادى», دەدى ق.توقاەۆ.
پارلامەنت جوعارعى پالاتاسىنىڭ توراعاسى كوشى-قون, بوسقىنداردى قابىلداۋ مەن بەيىمدەۋ سالاسىنداعى حالىقارالىق ەرەجەلەردى جەتىلدىرۋ جايىندا ايتتى. ول قازاقستان قاۋىپسىز, بىرىڭعايلانعان جانە رەتتەلەتىن كوشى-قون تۋرالى جاھاندىق شارتتى ازىرلەۋدى قولدايتىنىن جانە كەلىسسوز ۇدەرىستەرىنە بەلسەندى قاتىساتىنىن اتاپ ءوتتى.
ۋ.ل.سۆينگ ءوز كەزەگىندە قازاقستاندى حكۇ-نىڭ نەگىزگى ارىپتەسى رەتىندە اتادى جانە ورتالىق ازياداعى كوشى-قون ۇدەرىستەرىن باسقارۋ ماسەلەلەرى بويىنشا بەلسەندى ىنتىماقتاستىقتى جالعاستىرۋعا شاقىردى.
