وتىرىس بارىسىندا ەكولوگيالىق احۋالدى جاقسارتۋ جانە «جاسىل» ەكونوميكاعا ساپالى كوشۋدى قامتاماسىز ەتۋدىڭ تۇجىرىمدامالىق تاسىلدەرى, قازاقستاننىڭ «جاسىل ەكونوميكاعا» كوشۋى جونىندەگى تۇجىرىمدامانىڭ 2013–2020 جىلدارعا ارنالعان ءىس-شارا جوسپارىن جۇزەگە اسىرۋ ماسەلەلەرى تالقىلاندى, سونداي-اق كەڭەستىڭ وسى جىلى اتقاراتىن جۇمىس جوسپارىنىڭ كەستەسى قارالىپ, بەكىتىلدى جانە كەڭەستىڭ 2017 جىلعى 19 قازانداعى حاتتاماسىنىڭ ورىندالۋ ناتيجەلەرى قارالدى.
كۇن ءتارتىبى بويىنشا قر ەكولوگيالىق ۇيىمدارىنىڭ قاۋىمداستىعى تورالقاسىنىڭ ءتورايىمى ءا. نازارباەۆا, قىزىلوردا وبلىسىنىڭ اكىمى ق. كوشەرباەۆ, ەنەرگەتيكا ءبىرىنشى ۆيتسە-ءمينيسترى م. دوسمۇحامبەتوۆ, اۋىل شارۋاشىلىعى ۆيتسە-ءمينيسترى ە. نىسانباەۆ, «اتامەكەن» ۇكپ باسقارما توراعاسى ا. مىرزاحمەتوۆ, «KazWaste» قازاقستاندىق قالدىقتاردى باسقارۋ قاۋىمداستىعىنىڭ اتقارۋشى ديرەكتورى ۆ. مۇستافينا, «جاسىل اكادەميا» عىلىمي-ءبىلىم بەرۋ ورتالىعىنىڭ ديرەكتورى ب. ەسەكينا جانە ت.ب. ءسوز سويلەدى. بۇۇدب-نىڭ «جاسىل ەكونوميكاعا» كوشۋدەگى تاجىريبەسى تۋرالى بۇۇ دامۋ باعدارلاماسىنىڭ تۇراقتى وكىلى نوريماسە شيمومۋرا مىرزا ايتىپ بەردى.
