احمەتجان ەسىموۆ ەلباسى «سامۇرىق-قازىنا» اق-نىڭ 2018-2028 جىلدارعا ارنالعان جاڭا دامۋ ستراتەگياسىن بەكىتكەنىن جانە وسىعان سايكەس جەكەشەلەندىرۋ باعدارلاماسىنىڭ اۋقىمدى ىسكە اسىرىلۋى جالعاسىپ جاتقانىن جەتكىزدى. سونىمەن قاتار, بىرلەسكەن كاسىپورىندار قۇرۋ قور قىزمەتىنىڭ نەگىزگى باعىتتارىنىڭ ءبىرى بولىپ سانالادى. فەيسال بەن كاسيم ءال-تاني شەيح ءوز كەزەگىندە قور توراعاسىنا جىلى قارسى العانى ءۇشىن العىس ءبىلدىرىپ, 2015 جىلى قر پرەزيدەنتى دوحا قالاسىنا ءىس-ساپارمەن بارعاندا استانا شاقىرعانى ءۇشىن ريزاشىلىعىن جەتكىزدى.
كاتار كاسىپكەرلەرى قاۋىمداستىعىنىڭ توراعاسى شەيح فەيسال بەن كاسيم ءال-تاني كاتار كاسىپكەرلەرىنە قازاقستاندى ينۆەستيتسيا قۇيۋعا قولايلى مەملەكەت رەتىندە ۇسىناتىنىن جەتكىزدى. شەيحتىڭ سوزىنشە, كورشى مەملەكەتتەردىڭ كاتارعا قاتىستى ەنگىزگەن ەمبارگوسىنا بايلانىستى ەل ەكونوميكالىق ىنتىماقتاستىققا, اسىرەسە كولىك-لوگيستيكا سالاسىندا جاڭا مۇمكىندىكتەر ىزدەيدى.
كەزدەسۋ سوڭىندا احمەتجان ەسىموۆ قور كومپانيالار توبىنىڭ قۇرامىنا ءىرى كولىك كاسىپورىندارى كىرەتىندىگىن جەتكىزىپ, حولدينگپەن تىعىز ىنتىماقتاستىققا دايىن ەكەنىن ءبىلدىردى.
