قالالىق iKomek مونيتورينگ جانە جەدەل ارەكەت ەتۋ ورتالىعىنىڭ مالىمەتتەرى بويىنشا وتكەن بىرنەشە اپتا ىشىندە مۇنداي 3 جايت تىركەلگەن.
جول قوزعالىسى ەرەجەلەرىنە سايكەس, ۆەلوسيپەد كولىك قۇرالى بولسا, ۆەلوسيپەدشى - كولىك قۇرالىنىڭ جۇرگىزۋشىسى, دەمەك, جول قوزعالىسىنىڭ قاتىسۋشىسى.
تۇنگى ۋاقىتتا اۆتوكولىك جۇرگىزۋشىلەرى ءۇشىن جارىق شاعىلىستىراتىن ەلەمەنتتەردى (جاپسىرمالار, كەۋدەشەلەر جانە ت.ب.) پايدالانبايتىن ۆەلوسيپەدشىنى كورۋ وڭايعا سوقپايدى. ۆەلوسيپەدشىنىڭ قانداي ارەكەت جاسايتىنىن الدىن الا بولجاۋ مۇمكىن ەمەس. ۇلكەن كولىك قۇرالدارى قوزعالىسى كەزىندە جۇرگىزۋشىلەرگە ۆەلوسيپەدشىلەردى قوسىمشا اينالار ارقىلى دا كورۋ قيىن. ۆەلوسيپەدشىلەر تەك شەتكى وڭ جاق جولاقتىڭ بويىمەن ءجۇرۋى ءتيىس, جاياۋ جۇرگىنشىلەرگە كەدەرگى كەلتىرمەسە, ولارعا جاياۋجولدىڭ شەتىمەن دە جۇرۋگە رۇقسات ەتىلگەن.
ۆەلوسيپەدشىلەر وزدەرىنىڭ كولىكتەگىدەي قورعانىسپەن قامتىلماعانىن جۇرگىزۋشىلەردىڭ ۇمىتپاعىنىن قالايدى. بولماشى قاقتىعىستىڭ ءوزى وقىس وقيعامەن اياقتالۋى مۇمكىن. ۇلكەن كولىك قۇرالدارى ۆەلوسيپەدشىلەر ءۇشىن بۇرىلىستاردا ۇلكەن قاۋىپ توندىرەدى. ۆەلوسيپەدشىلەرمەن سوقتىعىسىپ قالماۋ ءۇشىن قاپتالدان ءبىرشاما دەڭگەيدە اراقاشىقتىق ساقتاعان ءجون.
جولعا شىققان كەزدە ءسىز ءوزىڭىز ءۇشىن عانا ەمەس, جول قوزعالىسىنىڭ باسقا دا قاتىسۋشىلارى ءۇشىن جاۋاپتى ەكەنىڭىزدى ەستەن شىعارماڭىزدار!
