سونىمەن قاتار كوپتەگەن الاڭدارداعى تالقىلاۋلارعا قاراعاندا, قازىر قازاقستاندىقتاردىڭ 43 پايىزى تۇراتىن اۋىل تۇرعىندارىنىڭ كوپتەگەن ماسەلەسى دە ەسكەرۋدى قاجەت ەتەتىنى كورىنىپ قالدى. ماسەلەن, يپوتەكالىق نەسيەلەندىرۋ باعدارلاماسى ءىرى قالادا تۇراتىن تۇرعىندارعا عانا باعىتتالعان. بۇل تۇرعىندار باسقا دا باعدارلامالارمەن تۇرعىن ءۇي الۋعا قول جەتكىزىپ كەلگەن. ەندى ينفراقۇرىلىمدارىنىڭ دامۋ ىڭعايىنا قاراي اۋىل تۇرعىندارىنىڭ دا تۇرعىن ءۇي الۋ ماسەلەسىن قاراستىرىپ, قاراجات ءبولۋ كەرەكتىگى ءبىلىندى. بۇل بارلىق ازاماتتاردىڭ دا ءومىر ءسۇرۋ شارتىن تەڭگەرەتىن الەۋمەتتىك مەملەكەتتىڭ بارلىق ماڭىزدى قىرلارىنىڭ ءبىرى. سونىمەن قاتار ول جاستاردىڭ اۋىلدى جەرلەردە تۇراقتاۋىنا ىقپال ەتەر ەدى.
ستاتيستيكالىق رەسمي مالىمەتتەرگە قاراعاندا, بۇگىنگى تاڭدا اۋىل تۇرعىندارىنىڭ ەكونوميكالىق شارتتارى قالا تۇرعىندارىمەن قابىسپايدى. كۇنكورىس مينيمۋمىنان تومەن تابىس تاباتىنداردىڭ ۇلەسى اۋىل تۇرعىندارىنىڭ اراسىندا قالالىقتارمەن سالىستىرعاندا ءتورت ەسە كوپ. ال ورتاشا تابىس اۋىل تۇرعىندارىندا ورتاشا رەسپۋبليكالىق ەڭبەكاقىدان 1,7 ەسە تومەن. بارلىق ءوزىن ءوزى قامتيتىنداردىڭ 42 پايىزى اۋىل شارۋاشىلىعى سالاسىنىڭ ۇلەسىندە.
جاعداي وسىنداي بولعاندىقتان تىم بولماسا اۋىل مەن قالا تۇرعىندارىنىڭ الەۋمەتتىك جانە ينفراقۇرىلىمدىق مۇمكىنشىلىكتەرىن جاقىنداتۋ ماسەلەسىن قاراستىرعان ءجون. ارينە جۇمساۋدىڭ ساپالى تەتىگىن انىقتاماي جاتىپ قاراجات ءبولۋدىڭ تيىمدىلىگى شامالى بولاتىنىن ءبىز تۇسىنەمىز. مۇنى اۋىز سۋمەن تولىق قامتاماسىز ەتۋدى ماقسات ەتكەن «اق بۇلاق» باعدارلاماسىنا بولىنگەن ميللياردتاردىڭ ءتيىمسىز جۇمسالعانىنان-اق كورۋگە بولادى. سوندىقتان اۋىلدىق اۋماقتاردى دامىتۋدىڭ كەشەندى باعدارلاماسى جاسالۋى كەرەك, ال ول بۇگىن, وكىنىشكە قاراي ايماقتاردى دامىتۋ باعدارلاماسىنىڭ كولەڭكەسىندە قالىپ قويدى. سونىمەن بىرگە وسى اۋىل مەن اۋىلدىق ايماقتاردى قولداۋ باعىتىنداعى مەملەكەتتىك ساياساتتىڭ ىسكە اسىرىلۋىنا تولىق جاۋاپ بەرەتىن, بارلىق فۋنكتسيالاردى ۇجىمداستىراتىن ءبىر ورگان انىقتالۋى كەرەك. ول اۋىل تۇرعىندارىمەن, جەرگىلىكتى ءوزىن ءوزى باسقارۋ ورگاندارىمەن بىرلەسىپ جۇمىس ىستەسە, سوندا عانا وڭ ناتيجەگە قول جەتكىزۋگە بولادى. ەگەر بۇگىنگى تاڭدا قالا مەن اۋىلدىق اۋماقتاردىڭ اراسىنداعى جاعدايدىڭ الشاقتىعىن جويماساق, اۋىلداعى دەگراداتسيا الەۋمەتتىك شيەلەنىسكە سوقتىرۋى مۇمكىن ەكەنىنە ءبىز سەنىمدىمىز. ناق وسى ماسەلە بويىنشا ەلىمىز ەكونوميكالىق ىنتىماقتاستىق جانە دامۋ ۇيىمى (ەىدۇ) ەلدەرىنەن ارتتا قالىپ وتىر.
ءبىز وسى ماسەلەنىڭ ءبارىن پرەمەر-مينيستر باقىتجان ساعىنتاەۆقا دەپۋتاتتىق ساۋالمەن جولداپ قازاقستاننىڭ حالىقتىق كوممۋنيستىك پارتياسى پرەزيدەنتتىڭ الەۋمەتتىك مەملەكەت ورناتۋ باعدارىن ىسكە اسىرۋ ءۇشىن اۋىل مەن اۋىلدىق اۋماقتاردى دامىتۋدىڭ كەشەندى ساياساتىن ازىرلەۋ قاجەت دەپ سانايتىنىن جانە اۋىل تۇرعىندارىنىڭ ءومىر ءسۇرۋ ساپاسىنىڭ ستاندارتتارىن بەلگىلەۋدى قالايتىنىن جەتكىزدىك.
ايقىن قوڭىروۆ,
ءماجىلىس دەپۋتاتى
