الماتى قالاسى, 28 گۆاردياشى-پانفيلوۆشىلار اتىنداعى ساياباق
ەلباسى ارداگەرلەر مەن راسىمگە قاتىسۋشىلارعا ارنالعان قۇتتىقتاۋ سوزىندە قازاقستاندىقتاردىڭ فاشيستىك باسقىنشىلاردى جەڭۋگە زور ۇلەس قوسقانىن ەرەكشە اتاپ ءوتتى.
– قازاقستاننان مايدانعا 1 ميلليون 800 مىڭنان استام جاۋىنگەر اتتاندى. سولاردىڭ جارتىسى قايتىپ ورالمادى. ولار سوعىستا ەرەن ەرلىك كورسەتتى. 500 وتانداسىمىز كەڭەس وداعىنىڭ باتىرى اتاندى. تىل ەڭبەككەرلەرى مايدانعا قارۋ, ازىق-ت ۇلىك جانە كەرەك-جاراق جونەلتۋ ۇشىن كۇندىز-ءتۇنى تىنىمسىز جۇمىس ىستەدى, – دەدى نۇرسۇلتان نازارباەۆ.
قازاقستان پرەزيدەنتى سۇراپىل سوعىستى كورمەگەن قازىرگى ۇرپاقتىڭ باقىتتى ەكەنىن ايتتى.
– ءبىزدىڭ اتالارىمىز رەۆوليۋتسيا مەن رەپرەسسيانى, اكەلەرىمىز ۇلى وتان سوعىسىن باستان وتكەردى. ال ءبىزدىڭ ۇرپاق بەيبىت زاماندا ءومىر سۇرۋدە. بۇعان ارداگەرلەرىمىزدىڭ قوسقان ۇلەسى زور. سىزدەرگە العىسىمىز شەكسىز! – دەدى مەملەكەت باسشىسى.
ءراسىم سوڭىندا ەلباسى سوعىس جانە ەڭبەك ارداگەرلەرىمەن ەركىن اڭگىمەلەستى.
– سىزدەر جانىمىزدا جۇرگەندە, بىزدەر – بالالارىڭىز بەن نەمەرەلەرىڭىز, ءوزىمىزدى الاڭسىز سەزىنەمىز. ەرلىكتەرىڭىزدى ۇلگى-ونەگە تۇتىپ, سىزدەردەن قايسارلىقتى, وتانىمىزدىڭ پاتريوتى بولۋدى, اتامەكەندى ءسۇيۋدى, سونداي-اق وتانىمىز ءۇشىن قاسىق قانىمىز قالعانشا كۇرەسىپ, سۇيىكتى قازاقستانىمىز ءۇشىن جانىمىزدى قۇربان ەتۋگە دايىن بولۋدى ۇيرەنەمىز. قىمباتتى دوستار, بارشاڭىزدى مەرەكەلەرىڭىزبەن قۇتتىقتايمىن! سىزدەرگە زور دەنساۋلىق, تابىس جانە جاقسىلىق تىلەيمىن! – دەدى قازاقستان پرەزيدەنتى.
مايدانگەرلەر نۇرسۇلتان نازارباەۆقا ەرەكشە ءىلتيپاتى مەن قامقورلىعى ءۇشىن شىنايى ريزاشىلىعىن ءبىلدىردى.
