ارداقتى ارداگەرلەر مەن جينالعان قاۋىمدى 9 مامىر مەرەكەسىمەن وبلىس اكىمىنىڭ ءبىرىنشى ورىنباسارى ل. تۇرلاشوۆ قۇتتىقتادى.
- بۇگىن باتىرلىق پەن جانقيارلىق ەرلىكتىڭ, بىرلىك پەن تاتۋ تىرلىكتىڭ مەرەكەسى –جەڭىس كۇنىنە 73 جىل تولىپ وتىر. بارشاڭىزدى وسى ايتۋلى مەرەكەمەن شىن جۇرەكتەن قۇتتىقتايمىن! ەلباسىمىز نۇرسۇلتان ءابىش ۇلى نازارباەۆ «اعا ۇرپاقتىڭ جەڭىسى مەن بۇگىنگى ءبىزدىڭ جەتىستىگىمىز – ءبىر-بىرىمەن تىعىز بايلانىستى. ەگەر اعا بۋىننىڭ ەرلىگى بولماعاندا, ءبىز مۇنداي مەملەكەت قۇرا الماس ەدىك», - دەپ ەرەكشە اتاپ كورسەتتى. بۇل سۇراپىل سوعىسقا 1 ميلليون 800 مىڭ قازاقستاندىق اتتانىپ, سونىڭ تەڭ جارتىسى قان مايداننان قايتپادى. بۇگىن قاسىمىزدا جۇرگەن سوعىس ارداگەرلەرى – بiزدiڭ ماقتانىشىمىز. ولار وتان قورعاۋ جولىندا ناعىز پاتريوتيزمنiڭ ۇلگiسiن كورسەتتى. اعا بۋىن جاستاردى تاربيەلەپ, ەلىمىزدىڭ ءوسىپ-وركەندەۋى ءۇشiن اتسالىستى. ارداگەرلەرگە بارىنشا قامقورلىق جاساۋ – بiزدiڭ قاسيەتتi بورىشىمىز, - دەپ اتاپ ءوتتى ول ءوز سوزىندە.
ساياباقتا ءداستۇرلى «دالا اسحاناسى» قويىلىپ, سوعىس جانە ەڭبەك ارداگەرلەرى سولدات بوتقاسىنان ءدام تاتتى. ساحنا تورىنەن وبلىستىڭ ونەرپازدار ۇجىمى مايدان اندەرىن شىرقاپ, پاتريوتتىق رۋحقا شاقىردى. شاراعا ارنايى شاقىرىلعان ايگىلى ءانشى الىبەك دىنىشەۆ جەتىسۋلىقتاردىڭ مەرەكەلىك كوڭىل كۇيىن كوتەرىپ, اۋەلەتە ءان سالدى.
سونداي-اق, «تالدىقورعان» يپپودرومىندا مەرەكە قۇرمەتىنە وراي ۇلتتىق ات سپورتى تۇرلەرىنەن رەسپۋبليكالىق ءدۇبىرلى جارىس ءوتتى.
قالماحانبەت مۇقامەتقالي,
«ەگەمەن قازاقستان».
الماتى وبلىسى.
