سونىمەن قاتار ايماق باسشىسى ق. كوشەرباەۆتىڭ, «نۇر وتان» پارتياسى توراعاسىنىڭ ءبىرىنشى ورىنباسارى م. اشىمباەۆتىڭ جانە ءوزىنىڭ قۇتتىقتاۋ حاتى مەن سىي-سياپاتىن تابىس ەتتى.
-جەڭىس كۇنى – حالقىمىزدىڭ قاجىماس قايراتىنىڭ, ەرلىگى مەن ەڭبەگىنىڭ ارقاسىندا كەلدى. ەكىنشى دۇنيەجۇزىلىك سوعىستىڭ قاسىرەتى تونگەن شاقتا مايدانگەرلەرىمىز ەل ءۇشىن كەۋدەلەرىن وققا توسىپ, قان شايقاسقا اتتاندى. مايدانداعى باتىلدىق پەن تىلداعى تاباندى ەڭبەكتىڭ ناتيجەسىندە جەڭىستى جاۋدىڭ قولىنان ج ۇلىپ الىپ, بەيبىت ومىرگە بەت بۇردىق. وتان ءۇشىن جانقيارلىق ەرلىكتىڭ ۇلگىسىن كورسەتىپ, وق پەن وتتىڭ اراسىنا تۇسكەن اعالارىمىز بەن اكەلەرىمىزدىڭ ەرلىگى بۇگىنگى ۇرپاققا ۇلگى ونەگە. تاۋەلسىزدىك الىپ, ەل ەڭسەسىن تىكتەپ بەيبىت ءومىر ءسۇرۋ – وسىناۋ مەرەكەنىڭ جەمىسى. مايدانگەرلەرىمىز بەن تىل ارداگەرلەرىمىزدىڭ سىڭىرگەن ەڭبەكتەرىن ءبىز ءاردايىم جوعارى باعالايمىز, - دەدى قارماقشى اۋدانىنىڭ اكىمى سۇلتان ماقاشوۆ.
