ورتالىق باسشىسى جانبولات مەلدەشوۆ پەن جەرگىلىكتى باسقارما باسشىسى ءدىنيسلام بولاتحان ۇلى مەموراندۋمعا قول قويىلدى. ەندى تاراپتار شەتەلدە كادرلاردى دايارلاۋ, قايتا دايارلاۋ جانە بىلىكتىلىكتى ارتتىرۋدىڭ حالىقارالىق باعدارلامالار بويىنشا ءىس-شارالار كەشەنىن جۇزەگە اسىرماق. جەرگىلىكتى وقۋ ورىندارىن بىتىرگەن تۇلەكتەر əلەمدىك ۋنيۆەرسيتەتتەردە ءبىلىم الۋ مۇمكىندىگىنە يە بولادى. ياعني, مەموراندۋم بارىسىندا پاۆلودارلىق جاستار شەتەلدە بىلىمدەرىن جەتىلدىرىپ,بىلىكتىلىكتەرىن ارتتىرۋعا ەسىك اشىلدى. ورتالىقتا گەرمانيا, فرانتسيا, ۆەنگريا, قىتاي جانە رەسەيمەن كەلىسىمشارتتار جاسالادى. جانبولات مەلدەشوۆتىڭ ايتۋىنشا, بۇل ماقسات جۇزەگە اسۋى ءۇشىن ارنايى گرانتتار بولىنەدى.
- كوللەدج ستۋدەنتتەرى شەتەلگە بارىپ وقيمىن دەسە, وقۋدى بىتىرگەن سوڭ ەكى وقۋ ورنىنىڭ ديپلومىن الادى, - دەيدى جانبولات مەلدەشوۆ. –تۇلەكتەر «بولاشاق» باعدارلاماسى ارقىلى شەتەلدە ءبىلىم الۋ ءۇشىن قويىلاتىن شارتتار مەن سىناقتاردان قورقادى. ەگەر اتتەستاتتىڭ قورىتىندى بالى, شەت ءتىلىن جاقسى بىلسە قيىندىق بولمايدى. ەلىمىزدە «بولاشاق» باعدارلاماسى بويىنشا 13 مىڭ ستۋدەنت ستيپەنديانت اتاندى. قازىرگى ۋاقىتتا 125 گرانت قىتاي, 100 گرانت فرانتسيا, 40 گرانت پولشا ەلدەرىنىڭ جوعارعى وقۋ ورىندارىنا ءبولىنىپتى.
كوللەدجدىڭ تاريحى ارىدە 1968 جىلى اشىلدى. اليۋميني زاۋىتىنىڭ بولاشاق جۇمىسشىلارىن وقىتۋ ماقساتىندا اشىلعان كاسىپتىك-تەحنيكالىق ءبىلىم بەرەتىن وقۋ ورنى ءارتۇرلى كەزەڭدەردى باستان وتكەردى. 2013 جىلى ءتۇستى مەتاللۋرگيا كوللەجدى دەپ اتالا باستادى. بىلتىر 200 ورىندىق «ستۋدەنتتەر ءۇيى» جاڭا جاتاقحانا پايدالانۋعا بەرىلدى. جاتاقحانا «قازاقستان ءاليۋمينيى» اق دەمەۋشىلىگىمەن سالىندى.
ءىس-ساپار اياسىندا «حالىقارالىق باعدارلامالار ورتالىعىنىڭ» پرەزيدەنتى جانبولات مەلدەشوۆ ورتا مەكتەپتەردىڭ, كاسىپتىك جانە تەحنيكالىق ءبىلىم بەرەتىن كوللەدجدەردىڭ, «سەرپىن» باعدارلاماسى بويىنشا وقيتىن ستۋدەنتتەرمەن كەزدەستى.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن: ايگۇل ەسەنالى
