احمەتكارىم احماديەۆ 1925 جىلدىڭ 12 تامىزىندا شىعىس قازاقستان وبلىسى, سامار اۋدانى, سارشوقى اۋىلىندا دۇنيەگە كەلگەن ەكەن. اكەسى قايىڭدى ورمان شارۋاشىلىعىنىڭ باسشىسى, اعاشتان ءتۇيىن تۇيگەن شەبەر ادام بولىپتى. شەشەسى ءۇي شارۋاسىندا, بالا تاربيەسىمەن وتىرعان. احمەتكارىم اتا ءۇش جاسىندا جەتىم قالعان. سول ءبىر جىلدارى قازاق دالاسى جازالاۋدى, اشتىقتى, جۇقپالى اۋرۋمەن اۋىرعاندى باسىنان وتكىزگەن ەدى, تاعدىر تاۋقىمەتى ونى دا اينالىپ وتپەدى. 1939 جىلى احمەدكارىم احماديەۆ باستاۋىش مەكتەپتە 7 سىنىپتى بىتىرەدى. مەكتەپتى اياقتاعان كەيىن كولحوزعا جۇمىسشى بولىپ ىستەگەن. 1943 جىلدىڭ 2-ءىنشى اقپانىندا احمەتكارىم احماديەۆ اسكەر قاتارىنا زابايكالەعا شاقىرىلادى.
بۇل كىسىنىڭ جاۋىنگەرلىك جولىن كەۋدەسى تولى وردەن, مەدالداردان دا كورۋگە بولادى, اتاپ ايتقاندا «جاپونيانى جەڭگەنى ءۇشىن» 1946 ج, «وتان سوعىسى» II دارەجەلى وردەنى جانە تاعى باسقا ماراپاتتارى. 1950 جىلى سوعىس اياقتالعاننان كەيىن اسكەردەن قايتقان احمەتكارىم احماديەۆ ءوز تۋعان جەرىنە, سامار اۋدانى, سارشوقى اۋىلىنا ورالادى. احمەتكارىم اعا جۇبايى شوكەنمەن بىرگە 6 بالا ءوسىرىپتى. قازىر 17 نەمەرە, 11 شوبەرەسى ءوسىپ كەلەدى.
- 2007 جىلى كۇرشىم اۋدانىنىڭ ماسليحاتىنىڭ شەشىمى بويىنشا احمەتكارىم احماديەۆكە «كۇرشىم اۋدانىنىڭ قۇرمەتتى ازاماتى» اتاعى تابىستالعان. سونداي-اق, ارنايى مەملەكەتتىك ساقتاۋعا قۇجاتتارىن احمەتكارىم اتا ءوزى تاپسىرعان ەكەن. اق سامايلى ارداگەر بۇگىنگى ۋاقىتتا ءوزىنىڭ كۇش قۋاتىمەن بەلسەندى ءومىر كەشۋدە, - دەدى سەمەي قالالىق «نۇر وتان» پراتياسى فيليالىنىڭ قوعامدىق قابىلداۋ ءبولىمىنىڭ مەگەرۋشىسى دارحان ءجۇمادىل,- وسىدان ءبىراز بۇرىن وبلىس اكىمى دانيال احمەتوۆ قالاداعى «نۇر وتان» پارتياسىنىڭ ۇيىندە احمەتكارىم اقساقالمەن كەزدەسىپ, جاعدايىن ەستىگەن سوڭ, دەنساۋلىعىنا وراي وسى سەمەي قالاسىنا قونىس اۋدارۋىنا كومەكتەستى. وبلىس اكىمى دانيال كەنجەتاي ۇلى بىردەن سەمەيدىڭ ەڭ كورىكتى, ورتالىق اۋدانىنان جاڭادان سالىنعان ءزاۋلىم ۇيدەن پاتەر بەرگىزدى. بيىل ءبىز دە 9 مامىر - جەڭىس كۇنى مەرەكەسىنە وراي احمەتكارىم اقساقالدى قۇتتىقتاپ, ارداگەردىڭ كۇرشىم اۋدانى, مارقاكول اۋماعى, جالپى تۋعان جەرى جايلى ىستىق لەبىزىن, ەستەلىكتەرىن دە ەستىپ قايتتىق.
راۋشان نۇعمانبەكوۆا
