نۇرسۇلتان نازارباەۆ گەننادي گولوۆكينگە ۆانەس مارتيروسيانمەن جەكپە-جەكتە جەڭىسكە جەتۋىنە بايلانىستى قۇتتىقتاۋ جەدەلحاتىن جولدادى.
«تارتىستى وتكەن جەكپە-جەكتە سەن ءوزىڭنىڭ سپورتتىق شەبەرلىگىڭدى تاعى دا دالەلدەپ, چەمپيوندىق اتاعىڭدى سەنىمدى تۇردە قورعادىڭ. بارلىق قازاقستاندىقتار سەنىڭ سپورتتاعى زور جەتىستىكتەرىڭدى ماقتان تۇتادى. سەن ءوزىڭنىڭ تالانتىڭ مەن ەڭبەكسۇيگىشتىگىڭنىڭ, قاراپايىمدىلىعىڭ مەن بارشاعا سۇيكىمدىلىگىڭنىڭ ارقاسىندا بۇكىل الەمدەگى ميلليونداعان جانكۇيەردىڭ جۇرەگىن جاۋلاپ الدىڭ. وسى قاسيەتتەرىڭ ءاردايىم بويىڭنان تابىلىپ, جاستارىمىز ءۇشىن جارقىن ۇلگى بولا بەرسىن», - دەلىنگەن جەدەلحاتتا.
