"مۇنداي شەشىمدى قابىلداۋعا ەلورداداعى كولىك اعىسىنىڭ جالپى جىلدامدىعىنىڭ تومەندەۋىنە جۇك كولىكتەرىنىڭ اسەرى سەبەپ بولدى. بۇگىنگى تاڭدا قالانىڭ اۋماعىندا 220-دان استام قۇرىلىس ۋچاسكەلەرى جۇمىس ىستەۋدە, ولاردىڭ بارىنە جۇك تەحنيكاسى قىزمەت كورسەتەدى. سونداي-اق, جۇك ماشينالارى جىلدامدىعىنىڭ باياۋلىعى, ولاردىڭ ەبەدەيسىزدىگى مەن كولەمىنىڭ ۇلكەندىگى سياقتى فاكتورلار جولداردا اپاتتىق-قاۋىپتى جاعدايلار تۋدىرۋى مۇمكىن, - دەلىنگەن حابارلامادا.
شەكتەۋ 14 مامىردا جۇمىس كۇندەرى ساعات 07.00-دەن 09.00-گە دەيىن جانە 17.30-دان 20.00-گە دەيىن اۆتوموبيل جولدارى شەكارالارىنىڭ ايماعىندا سالماعى 3,5 توننادان ارتىق جۇك كولىكتەرىنىڭ قوزعالىسىنا ەنگىزىلەدى. ول 31 جەلتوقسانعا دەيىن قويىلىپ وتىر. ەلوردا اكىمدىگى مۇنداي شەكتەۋلەردى حالىقارالىق "ەكسپو-2017" كورمەسىن وتكىزۋ كەزىندە قولداندى. ول كەزدە قالانىڭ بەلگىلى ءبىر ۋچاسكەلەرىنە جۇك كولىگىنىڭ كىرۋىنە ساعات 6:00-دەن 23:00-گە دەيىن شەكتەۋ قويىلعان بولاتىن.
جۇك قوزعالىسىنا شەكتەۋ بەكىتىلگەن سۇلباعا سايكەس قالا ىشىندەگى بەلگىلەنگەن 18 ۋچاسكەگە قاتىستى بولادى.
