بيىلعى 1998-2001 جىلى تۋىلعان جاستار اراسىنداعى تۋرنير United World Wrestlingا (بىرىككەن كۇرەس الەمى) حالىقارالىق كۇرەس فەدەراتسياسى ۇيىمىنىڭ جىلدىق جوسپارىنا رەسمي تۇردە ەڭگىزىلدى. تۋرنيرگە 15-تەن استام شەتەلدىك كوماندالار قاتىسادى دەپ جوسپارلانعان, قازىرگى تاڭدا ۋكراينا, گرۋزيا, ارمەنيا, تاجىكستان, وزبەكستان, تۇرىكمەنستان, قىرعىزستان مەملەكەتتەرى نيەت بىلدىرسە, رەسەي, يران, ازەربايدجان, بەلورۋسيا ت.ب. كوماندالار ۇسىنىستارىن قاراستىرۋدا.
حالىقارالىق «بىرىككەن كۇرەس الەمى» (UWW) فەدەراتسياسىنىڭ تالاپتارىنا سايكەس وتكىزىلەتىن تۋرنيرگە قادىرلى قوناقتار, تانىمال سپورتشىلار مارتەبەلى قوناق رەتىندە قاتىسپاق.
حالىقارالىق ساناتتاعى تورەشىلەرى جۇرگىزەتىن تۋرنيردە 55, 60, 63, 67, 72, 77, 82, 87, 97, 130 كگ. سالماق دارەجەلەرىندەگى پالۋاندار كۇش سىناسادى. الاماندا
ماڭعىستاۋ وبلىسىنىڭ نامىسىن 5 سپورتشى قورعايدى. ءتورت سپورتشى وبلىستىق كوماندادان كۇرەسسە, ءبىر سپورتشى قازاقستان رەسپۋبليكاسى قۇراما كومانداسىنىڭ قاتارىندا كۇرەسەدى.
ءتۋرنيردىڭ جەڭىمپازدارى مەن جۇلدەگەرلەرى جانە جەڭىمپازداردىڭ جاتتىقتىرۋشىلارى مەدال, ديپلوم, ەستەلىك سىيلىقتارمەن ماراپاتتالادى. سونىمەن قاتار, ۇيىمداستىرۋ القاسىنىڭ بەكىتۋىمەن, 1 ورىنعا 1 000 $; 2 ورىنعا 700 $;3 ورىنعا 500 $ جۇلدە, جەڭىمپازدى دايىنداعان جاتتىقتىرۋشىعا 500 $ جۇلدە بەرىلمەك.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
