قىزىلوردا وبلىسىنىڭ تاريحي-مادەني مۇرا ەسكەرتكىشتەرىنىڭ 3 D- كارتاسى 2018 جىلدىڭ 1 قاراشاسىنا دەيىن جاساقتالادى.
ء«بىرىنشى كەزەكتە كارتاعا يۋنەسكو-نىڭ الدىن-الا تىزىمىندەگى جانە رەسپۋبليكالىق, جەرگىلىكتى ماڭىزى بار ەسكەرتكىشتەر ەڭگىزىلەتىن بولادى. دالالىق زەرتتەۋلەر جۇرگىزىلىپ, نىساندار تۋرالى ارحيۆتىك دەرەكتەر مەن اڭىز-اڭگىمەلەر جيناقتالادى. يننوۆاتسيالىق ادىستەر مەن كومپيۋتەرلىك باعدارلامالاردىڭ كومەگىمەن ەسكەرتكىشتىڭ تولىق ۆيرتۋالدى مودەلى قالىپتاسىپ, ءار نىسان تۋرالى 3 تىلدە تولىق اقپارات ارنايى سايتتا ورنالىستىرىلادى», - دەدى وبلىستىق مادەنيەت, ارحيۆتەر جانە قۇجاتتاما باسقارماسىنىڭ باسشىسى ميرا ءابۋوۆا جوبالىق باسقارۋ بويىنشا ساراپتامالىق كەڭەس بارىسىندا.
بۇگىندە وبلىستا 286 ەسكەرتكىش, ياعني 30 رەسپۋبليكالىق, 256 جەرگىلىكتى ماڭىزى بار ەسكەرتكىشتەر مەملەكەت قورعاۋىنا الىنعان.
