جيىندى كىرىسپە سوزبەن اشقان دەنەشىنىقتىرۋ جانە سپورت باسقارماسىنىڭ باسشىسى رۋسلان ەسەنالين بيىل «قىزىلجار-سك» فۋتبول كومانداسىنىڭ قۇرىلعانىنا جارتى عاسىر تولاتىنىن, ونىڭ باي تاريحى جەتىتىكتەرگە تولى ەكەنىن, پرەمەر-ليگادا جاقسى ويىن ورنەگىن كورسەتىپ جۇرگەنىن جەتكىزدى.
فۋتبول فەدەراتسياسىنىڭ پرەزيدەنتتىگىنە قالا اكىمى مارات تاسماعانبەتوۆتىڭ كانديداتۋراسى ۇسىنىلىپ, ءبىراۋىزدان قولداۋ تاپتى. سوڭعى كەزدەرى شاحاردىڭ الەۋمەتتىك-ەكونوميكالىق, مادەني ءومىرى قارقىندى دامىپ كەلەدى. سپورت سالاسىندا دا جاڭالىقتار از ەمەس. «جاستار» ستاديونى قالپىنا كەلتىرىلدى. 28 شاعىن فۋتبول الاڭى سالىندى. 20 كوشەگە جاتتىعۋ ترەناجەرلەرى قويىلدى. فۋتبولشىلارعا ارنالعان جاڭا جابىق مانەج جۇمىس ىستەيدى.
مارات يمانباي ۇلى وزىنە كورسەتىلگەن سەنىم ءۇشىن العىسىن ايتىپ, بالالار-جاسوسپىرىمدەر فۋتبولىنا ايرىقشا كوڭىل اۋدارىلاتىنىن اتاپ كورسەتتى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
