تاراپتار حالىقارالىق فەدەراتسياسىنىڭ الەمدەگى توتەنشە جاعدايدار مەن قاقتىعىستاردىڭ سالدارىن الدىن الۋ, سونداي-اق قالپىنا كەلتىرۋ جۇمىستارى بويىنشا جەرگىلىكتى تۇرعىندارعا قولداۋ كورسەتۋى جونىندەگى قىزمەتى تۋرالى تالقىلادى.
ق. ءابدىراحمانوۆ سەنىمدىلىك ءۇشىن العىسىن ايتا وتىرىپ, قىزىل كرەست جانە قىزىل جارتى اي حالىقارالىق قوعام فەدەراتسياسىنىڭ 10-شى ەۋروپالىق كونفەرەنتسياسىن 2018 جىلعى 2-3 مامىردا الماتىدا وتكىزۋ جونىندە وڭتايلى ءىلتيپاتىن ءبىلدىردى. ءساتتى وتكىزىلگەن وسى ءىس-شارا ايماقتاعى الەۋمەتتىك سالاسىندا حالىقارالىق ىنتىماقتاستىققا جاڭا يمپۋلس بەرەتىنىن دە اتاپ ءوتتى.
قازاقستان فەدەراتسيامەن, ەكىجاقتى دەڭگەيدە دە, باسقا حالىقارالىق الاڭداردا دا, سونىڭ ىشىندە پرەزيدەنت ن. ءا. نازارباەۆتىڭ سىرتقى ساياسي باستامالارىن ىسكە اسىرۋ شەڭبەرىندە ىنتىماقتاستىقتى نىعايتۋعا ءازىر ەكەنىن اتاپ ءوتتى.
ف. روككا ءوز تاراپىنان ماڭىزدى كونفەرەنتسيانى قازاقستاندا ۇيىمداستىرۋعا جانە وتكىزۋگە كورسەتىلگەن قولداۋ ءۇشىن ءىلتيپاتىن ءبىلدىردى.
بۇدان بولەك, حالىقارالىق فەدەراتسياسىنىڭ پرەزيدەنتى سيرياداعى داعدارىستى شەشۋ ءۇشىن استانادا ۇيىمداستىرىلعان كەلىسسوزدەردى جوعارى باعالادى جانە جاقىن ارادا سيريا اراب رەسپۋبليكاسىنا جاساعان ءىس-ساپارى قورىتىندىلارى جونىندە ءسوز قوزعادى.
كەزدەسۋ ناتيجەسىندە تاراپتار تۇراقتى ءبىر-بىرىمەن حابارلاسا وتىرىپ, كەڭ اۋقىمدى ماسەلەلەر بويىنشا ىنتىماقتاستىقتى نىعايتۋعا كەلىستى.
