كەزدەسۋگە قازاقستان حالقى اسسامبلەياسى توراعاسىنىڭ ورىنباسارى, حاتشىلىق مەڭگەرۋشىسى لەونيد پروكوپەنكو, «نۇر وتان» پارتياسىنىڭ حاتشىسى فارحاد قۋانعانوۆ, ءدىن ىستەرى جانە ازاماتتىق قوعام مينيسترلىگىنىڭ وكىلدەرى قاتىستى.
اعىمداعى جىلدىڭ 28-ءشى ساۋىرىندە قازاقستان حالقى اسسامبلەياسىنىڭ سەسسياسىندا قازاقستان رەسپۋبليكاسىنىڭ پرەزيدەنتى ن.ءا. نازارباەۆ ءدىن ىستەرى جانە ازاماتتىق قوعام مينيسترلىگىنە «نۇر وتان» پارتياسى جانە قازاقستان حالقى اسسامبەلەياسىمەن بىرگە «رۋحاني جاڭعىرۋ» باعدارلاماسىن جانە جاڭا الەۋمەتتىك باستامالاردى العا جىلجىتۋ بويىنشا عىلىمي-اعارتۋشىلىق باعىتتاعى جاڭا جوبانى ازىرلەۋدى تاپسىرعان بولاتىن.
كەزدەسۋ باسىندا دارحان كالەتاەۆ پرەزيدەنتتىڭ تاپسىرمالارىن ورىنداۋ ءۇشىن بارلىق مۇددەلى تاراپتاردىڭ كۇش-جىگەرىن بىرىكتىرۋ قاجەتتىگىن اتاپ ءوتتى.
«مەملەكەت باسشىسىنىڭ تاپسىرمالارىن ساپالى ورىنداۋ ءۇشىن ينتەللەكتۋالدى, ساراپتامالىق جانە ۇيىمداستىرۋشىلىق رەسۋرستاردى بىرىكتىرۋ قاجەت. وڭىرلەرمەن بىرلەسىپ,سونداي-اق جوباعا جاستاردى جانە «100 جاڭا ەسىم» جوباسىنىڭ قاتىسۋشىلارىن قاتىستىرۋ ماڭىزدى»- دەپ اتاپ ءوتتى مينيستر د.كالەتاەۆ.
مەملەكەت باسشىسىنىڭ تاپسىرمالارىن ورىنداۋ اياسىندا قر ءدىن ىستەرى جانە ازاماتتىق قوعام مينيسترلىگى «نۇر وتان» پارتياسى جانە قازاقستان حالقى اسسامبلەياسىمەن بىرلەسىپ بىرىڭعاي جالپى قۇندىلىقتاردى قالىپتاستىرۋ نەگىزى رەتىندە قازاق حالقىنىڭ تاريحى مەن مادەنيەتىن تانىتۋعا باعىتتالعان جاڭا جوبانى جۇزەگە اسىراتىن بولادى.
كەزدەسۋ قورىتىندىسىندا قاتىسۋشىلار «رۋحاني جاڭعىرۋ» باعدارلاماسى مەن جاڭا الەۋمەتتىك باستامالاردى ىلگەرىلەتۋ بويىنشا عىلىمي-اعارتۋشىلىق جوبانى ىسكە اسىرۋ جوسپارىن ازىرلەۋدى ۇسىندى. بۇل قۇجات بىرقاتار ءىس-شارالاردى قامتيدى. اتاپ ايتقاندا, جوبالىق توپتى قۇرۋ, جوبانى عىلىمي جانە شىعارماشىلىق ينتەلليگەنتسيا وكىلدەرىمەن تالقىلاۋ, سونىمەن قاتار, تۇرعىندار اراسىندا اقپاراتتىق-ءتۇسىندىرۋ جۇمىستارىن جۇرگىزۋ قاراستىرىلعان.
