«Kazakh Invest» ۇك جانە London Infrastructure بريتاندىق كومپانياسى ۇيىمداستىرعان سەمينار جۇمىسىنا Aggreco, Alaco, UK Export Finance, JP Morgan, Rothschild Capital Group, DMT Consulting, JCB, Worley Parsons, IPC, «ەققدب», Mobsby Associates, TVET UK, Advantix Ltd, CBRE, Ricardo Energy, SP Angel, Paramount Powders, Crown Agents, Cundall, John Wiley & Sons, Rattan Power, The D Group سەكىلدى جەتەكشى بريتاندىق جانە حالىقارالىق كورپوراتسيالاردىڭ باسشىلارى, سونداي-اق ۇلىبريتانيانىڭ مەملەكەتتىك ورگاندارىنىڭ, ساراپتامالىق جانە اكادەميالىق ورتالاردىڭ وكىلدەرى قاتىستى.
Kazakh Invest باسقارما توراعاسى ساپاربەك تۇياقباەۆتىڭ باسشىلىعىمەن قازاقستاندىق دەلەگاتسيا قۇرامىنا «قازسۋشار» رمك, BI Group كومپانياسىنىڭ, Eurasia Gold Inc, «قازاقستاننىڭ دامۋ بانكى» جانە ت. ب. ۇيىمداردىڭ وكىلدەرى كىردى.
س. تۇياقباەۆ ءوزىنىڭ العى سوزىندە قازاقستاننىڭ ينۆەستيتسيالىق احۋالى مەن ەلىمىزدە بيزنەس جوبالاردى ىسكە اسىرۋدىڭ كەلەشەگى تۋرالى ايتىپ بەردى. اتاپ ايتقاندا, شارا قاتىسۋشىلارىنا قر-دا بيزنەس جۇرگىزۋدىڭ مۇمكىندىكتەرى, زاڭنامالىق قولداۋ, شەتەلدىك ينۆەستيتسيالاردى تارتۋدىڭ باسەكەلى ارتىقشىلىقتارى تۋرالى تولىق اقپارات بەرىلىپ, ۇكىمەت بەكىتكەن 50 اسا باسىمدىقتى ينۆەستيتسيالىق جوبا تانىستىرىلدى. س. تۇياقباەۆ بريتاندىق بيزنەسمەندەردى جوبالاردى قازاقستاندا ىسكە اسىرۋ ءۇشىن بەلسەندىرەك قاتىسۋعا شاقىردى.
ءوز كەزەگىندە, بريتاندىق كومپانيالار ء«بىر بەلدەۋ ء—بىر جول» قىتاي باستاماسى اياسىندا قازاقستان تاراپى ىسكە اسىرىپ جاتقان ينفراقۇرىلىمدىق جوبالارعا قىزىعۋشىلىق تانىتتى. بريتاندىق بيزنەسمەندەر اۋىل شارۋاشىلىعى, تاۋ-كەن ءوندىرىسى ونەركاسىبى, ماشينا جاساۋ, جەك سالاسىنداعى جوبالارعا ەرەكشە قىزىعۋشىلىق ءبىلدىردى. ەكى ەل اراسىنداعى ىنتىماقتاستىقتىڭ كەزەكتى پەرسپەكتيۆالى سالالارى — ات, تسيفرلىق ەكونوميكا, ەلەكتروندى ۇكىمەت, مۇناي حيمياسى, وڭدەۋ ونەركاسىبى, ءبىلىم بەرۋ, دەنساۋلىق ساقتاۋ جانە ت. ب. سالالار.
UK Export Finance تمد جانە ازيا بويىنشا وڭىرلىك ديرەكتورى ۆوميك نۋر-شاحتىڭ ايتۋىنشا, «قازاقستان مەن ۇلىبريتانيا اراسىنداعى ەكىجاقتى ساۋدا ىنتىماقتاستىعىنىڭ ءوسىمى وڭ قارقىنعا يە, قازاقستانمەن ىسكە اسىرىلاتىن جوبالاردى قارجىلاندىرۋ كولەمى تەڭگەمەن قارجى الۋ مۇمكىندىگىمەن, £1,25 ملرد-تان £3 ملرد-قا دەيىن ۇلعايتىلدى».
ۇلىبريتانياداعى قر ەلشىسى ەرلان ىدىرىسوۆ:
«قازاقستان اسا قولايلى ينۆەستيتسيالىق احۋالى بار, بيزنەس جۇرگىزۋگە اشىق ءارى تارتىمدى ەلگە اينالىپ كەلەدى. ەلىمىزدە قازاقستانعا كەلەشەكتە ينۆەستورلار ءۇشىن الەمدەگى اسا قولايلى مەملەكەتتەردىڭ بىرىنە اينالۋعا جول اشاتىن اۋقىمدى وزگەرىستەر بولىپ جاتىر. ماسەلەن, جۇيەلى رەفورمالاردىڭ ءبىرى — "استانا" حالىقارالىق قارجى ورتالىعى قىزمەتىنىڭ قۇرىلىمىنا بريتاندىق قۇقىق قاعيدالارىن ەنگىزۋ جانە الەمنىڭ ۇزدىك ستاندارتتارىنا سايكەس بيزنەس جۇرگىزۋ ەرەجەلەرىن بەكىتۋ», — دەدى.
ۇلىبريتانيا پرەمەر-ءمينيسترىنىڭ قازاقستانداعى ساۋدا وكىلى بارونەسسا ەمما نيكولسون ۇلىبريتانيا مەن قازاقستاننىڭ ينۆەستيتسيالىق جوبالاردى ىسكە اسىرۋداعى, سونىڭ ىشىندە قارجىلىق قىزمەت كورسەتۋ, اۋىل شارۋاشىلىعى, تاۋ-كەن جانە ازىق-ت ۇلىك ونەركاسىبى سالالارىنداعى تابىستى ىنتىماقتاستىعىن اتاپ ءوتتى.
قازاقستاندىق دەلەگاتسيانىڭ جۇمىس ساپارى بريتاندىق ارىپتەستەرمەن بىرقاتار ەكىجاقتى كەلىسسوزدەر جۇرگىزۋمەن جالعاستى. مىسالى, ءىس-شارا الاڭىندا «رەسپۋبليكالىق ماڭىزى بار اۋىز سۋ تاراتۋ جەلىلەرىن سالۋ» جوباسى ەگجەي-تەگجەيلى تالقىلاندى, الدىن الا قۇنى شامامەن $2 ملرد بولاتىن جوبانى بىرلەسىپ جۇزەگە اسىرۋ تۋرالى ۋاعدالاستىقتارعا قول جەتكىزىلىپ, باستاپقى قۇجاتتارعا قول قويىلدى.
