ءىس-شارا جىل سايىن الەمنىڭ الپىستان استام مەملەكەتىنەن حالىقارالىق جانە قازاقستاندىق باق وكىلدەرىن, ساياساتكەرلەر مەن ساراپشىلاردى ءبىر الاڭعا جيناپ كەلەدى.
وسى جولعى فورۋمنىڭ حەدلاينەرلەرى رەتىندە يتاليانىڭ ەكس پرەمەر-ءمينيسترى ماتەو رەنتسي مەن باراك وبامانىڭ كوممۋنيكاتسيالار جونىندەگى كەڭەسشىسى رودجەر فيسك قاتىساتىنىن راستادى.
«ەۆوليۋتسيانىڭ 15 جىلى: الەم قالاي وزگەرەدى جانە ءبىزدى قالاي وزگەرتەدى» تاقىرىبىنداعى فورۋمنىڭ «حالىقارالىق قارىم-قاتىناستار ەۆوليۋتسياسى» سەسسياسىندا يتاليانىڭ ەكس پرەمەر-ءمينيسترى ماتەو رەنتسي باستى سپيكەر بولادى. سەسسيا مودەراتورى – تاسس باس ديرەكتورى ميحايل گۋسمان.
باراك وبامانىڭ كوممۋنيكاتسيالار جونىندەگى كەڭەسشىسى رودجەر فيسك «اقپاراتتىق تەحنولوگيالار ەۆوليۋتسياسى: ناقتى دەرەكتەن فەيك جاڭالىقتارعا. الاڭداۋىمىز قاجەت پە؟» سەسسياسىنىڭ باستى سپيكەرى بولىپ تابىلادى.
سونىمەن قاتار, فورۋم قوناقتارىن قىزىقتى پىكىرتالاس الاڭى, ماڭىزدى تاقىرىپتار, مازمۇندى اڭگىمە, سپيكەرلەردىڭ تانىمال شوعىرى كۇتەدى.
ەۋرازيا مەديا فورۋمى 3 كۇن وتەدى. جيىندا 7 پلەنارلىق سەسسيا بولادى. سونداي-اق, الەمدىك ساراپشىلار شەبەرلىك دارىسىنە ءبىر كۇندى ارنالادى.
