نەگىزگى مەرەكەلىك شارالار سۇلتان بەيبارىس الاڭىندا باستاۋ الدى. اتىراۋلىقتار مەن قالا قوناقتارى الدىندا ەتنومادەني بىرلەستىكتەردىڭ شىعارماشىلىق ۇجىمدارى ونەر كورسەتتى.
مەرەكەلىك قۇتتىقتاۋدا وبلىس اكىمى نۇرلان نوعاەۆ قازاقستان حالقىنىڭ بىرلىگى كۇنىن اتاپ ءوتۋدىڭ ماڭىزدىلىعىنا توقتالدى.
- قازىر ايماقتا 17 ەتنومادەني بىرلەستىك بار.ء ارتۇرلى ۇلت پەن ءدىن وكىلدەرى قوعام دامۋىنا ۇلەستەرىن قوسىپ كەلەدى. ۇزاق جىلدار بويى بەيبىتشىلىك پەن كەلىسىمدە ءومىر ءسۇرىپ كەلەمىز, سونىڭ ارقاسىندا قازاقستان تولەرانتتى ەل رەتىندە الەمگە بەلگىلى. مەملەكەت باسشىسى اتاپ كورسەتكەندەي, قازاقستاننىڭ وركەندەپ, دامۋى ءبارىمىزدىڭ ورتاق ماقساتىمىز, - دەدى نۇرلان نوعاەۆ.
قازاقستان حالىقتارى بىرلىگى كۇنى مەرەكەسىن ۇيىمداستىرۋشىلار ويىن-ساۋىق باعدارلامالارىن قامتىعان.
اتاپ ايتساق, 13.00-دە سۇلتان بەيبارىس الاڭىندا "ايدا قاۋمەنوۆا" مەن "نۇر-ءشاح" سان ۇيلەرى كيىمدەرىنىڭ كورمەسى وتەدى.
15.00-دە وسى الاڭدا "Almaly.kz" حالىقارالىق بالالار فەستيۆالىنىڭ سالتاناتتى اشىلۋى بولادى.
17.00-دە ق.سماعۇلوۆ الاڭىندا street workout بويىنشا اتىراۋ قالاسىنىڭ اشىق كۋبوگى ساراپقا سالىنادى.
19.00 سۇلتان بەيبارىس الاڭىندا مەرەكەلىك كونتسەرت باستالادى.
