فۋتبول • 20 ءساۋىر, 2018

رونالدۋدىڭ رەكوردى «رەالعا» كومەكتەسپەدى

365 رەت

كورسەتىلدى

2 مين

وقۋ ءۇشىن

وسىنىڭ الدىندا جازعانىمىزداي ەۋروپانىڭ ءىرى 5 بىرىنشىلىگىندەگى جاعداي قالىڭ جانكۇيەردىڭ ۇنەمى نازارىندا. الايدا, «مانچەستەر سيتي», «باۆاريا», پسج كوماندالارى چەمپيون اتانعان سوڭ, انگليا, گەرمانيا, فرانتسيا بىرىنشىلىكتەرىندەگى تارتىستىڭ قىزىعى كەتىپ قالدى. ال يسپانيا لا-ليگاسىندا 2-ورىنعا ءمادريدتىڭ قوس كلۋبى تالاسۋدا.

Egemen Qazaqstan

رونالدۋدىڭ رەكوردى «رەالعا» كومەكتەسپەدى

ەكى كلۋب وسى جولى ءبىر-بىرىمەن كەزدەستى. 33-تۋر ويىندارىندا ۇشىراسقان «رەال» مەن «اتلەتيك» تەرەزەسى تەڭ ويىن كورسەتتى. نەگىزى بۇل ماتچتا كورولدىك كلۋبقا جەڭىس اۋاداي قاجەت تۇعىن. سەبەبى, تۋرنير كەستەسىندە ديەگو سيميونە شاكىرتتەرى جوعارى تۇر. ال زيداننىڭ كومانداسىنا وسى ويىندا جەڭىسكە جەتىپ, «اتلەتيكومەن» ۇپاي جاعىنان تەڭەسىپ الۋ قاجەت بولدى.

بىراق, ويىننىڭ 14-مينۋتىندا ينياكي ۋيليامس ەسەپ اشىپ, قوناقتاردى العا جەتەلەدى. «سانتياگو بەرنابەۋگە» جينالعان قالىڭ كورەرمەن قاقپاعا قيىس باعىتتالعان دوپتاردى كورىپ, 2-ورىننان ءۇمىت ۇزە باستاعان. دەگەنمەن, مۇنداي قىسىلتاياڭ ساتتە قۇمىرادان شىققان جىن سەكىلدى كوپشىلىكتىڭ تىلەۋىن ءبىر سوققىمەن ورىنداي سالاتىن كريشتيانۋ رونالدۋ «رەالدى» قۇتقارىپ قالدى. 87-مينۋتتا تارازى باسىن تەڭەستىرىپ, الاڭ يەلەرىنە 1 ۇپاي اپەردى. ەڭ باستىسى, دەربيدەگى ۇياتتى جەڭىلىستەن ساقتادى. ايتپاقشى, رونالدۋدىڭ بۇل گولى تاعى ءبىر رەكوردتىڭ مۇرتىن بۇزدى. قازىر بۇعان قاتتى تاڭقالاتىن دانەڭە دە جوق. سەبەبى, رونالدۋ گول سوققان سايىن الەم فۋتبولىندا نەمەسە يسپان لا-ليگاسىندا تۇراقتى تۇردە ءبىر رەكورد بۇزىلىاتىن بولعان. ال بۇل جولى پورتۋگال فۋتبولشىسى ءوز رەكوردىن ءوزى جاڭارىپتى. 2014 جىلعى ماۋسىمدا ول 12 ويىندا 20 گول سوققان ەكەن. ەندى كريرو سوڭعى وتكىزگەن 12 ويىنىندا 22 گول سوعىپ وتىر.

«بارسەلونانىڭ» چەمپيون بولاتىنىنا ەشكىم كۇماندانباسا, ال ەكىنشى ورىنعا ءالى دە «رەالدىڭ» تالاسى بار. كۇنتىزبەگە كوز جۇگىرتسەك «اتلەتيكونىڭ» ويىندارىنىڭ كوبىسى اۋتسايدەرلەرگە قارسى وتپەك. دەگەنمەن, لا-ليگانىڭ كۇمىسىنەن زينەدين زيدان كومانداسى ءۇمىت ۇزبەيدى.

تۋرنير كەستەسى

و	كلۋب	و	ۇ	ت	ۇ	د-ا	ۇپاي
1	بارسەلونا	33	25	8	0	83-19	83
2	اتلەتيكو	32	21	8	3	54-15	71
3	رەال مادريد	33	20	8	5	80-36	68
4	ۆالەنسيا	33	20	5	8	61-35	65
5	بەتيس	32	16	4	12	53-53	52
6	ۆيلياررەال	33	15	6	12	45-40	51
7	سەۆيليا	33	14	6	13	41-52	48
8	حەتافە	33	12	9	12	38-31	45
9	جيرونا	32	12	8	12	44-49	44
10	سەلتا	33	12	8	13	52-46	44
11	ەيبار	33	12	7	14	37-46	43
12	رەال سوسەداد	32	11	7	14	57-52	40
13	اتلەتيك	33	9	13	11	36-39	40
14	لەگانەس	33	11	6	16	28-41	39
15	الاۆەس	32	12	2	18	29-45	38
16	ەسپانول	33	8	12	13	26-40	36
17	لەۆانتە	32	6	13	13	28-48	31
18	دەپورتيۆو	33	6	9	18	32-65	27
19	لاس-پالماس	32	5	6	21	22-64	21
20	مالاگا	32	4	5	23	20-50	17