وبلىس ورتالىعىنداعى دوستىق ءۇيى «قوعامدىق كەلىسىم» ورتالىعىندا شەشەن-ينگۋش مادەني ورتالىعى كونتسەرت بەردى. بۇل كونتسەرت الدا كەلە جاتقان 1 -مامىر قازاقستان حالقى بىرلىگى كۇنىنە ارنالدى. تۋعان جەر قازاقستانعا ارنالعان ولەڭدەر شىرقالدى, ۆايناح حالقىنىڭ اسەرلى بيلەرى ورىندالدى. ورتالىقتاعى جاڭعىرۋ مەكتەبى مەن «حالكيان بارت» وبلىستىق شەشەن-ينگۋش مادەني ورتالىعى ءوز تىلدەرىن, ۇلتتىق سالت-داستۇرلەرىن ۇمىتپاي, ەلىمىزدەگى حالىقتىڭ بىرلىگىن ارتتىرۋعا, مەملەكەتتىك ۇلتتىق ساياساتتىڭ جاندانۋىنا ءوز ۇلەستەرىن قوسىپ كەلەدى.
مەرەكەنى «حالكان بارت» وبلىستىق شەشەن-ينگۋش ەتنومادەني بىرلەستىگى ۇيىمداستىردى. قوناقتارعا قىزىقتى ءارى كوڭىلدى باعدارلاما ۇسىنىلدى. فەستيۆالدى «يللي» ءانسامبىلى «وتان» انىمەن اشتى. سونداي-اق بۇل توپ «موي كازاحستان», «چەگارديگ», «العا» جانە «ناش كاۆكاز» اندەرىن ورىندادى.
ۇلتتىق سيپاتتى ايقىن كورسەتەتىن, تاكاپپار جانە ايبىندى بي – كاۆكاز لەزگينكاسىن بۇكىل الەم تانيدى جانە سۇيسىنەدى. ءىس-شارا شەڭبەرىندە «شوۆدا» بي ءانسامبلى قوناقتارعا ارناپ «قىزدار ءبيىن» ورىندادى. سونىمەن قاتار, «لوۆزار» جانە «دەيموحك» بي انسامبىلدەرى ۆايناح حالىقتىق بيلەرىن ورىندادى.
شەشەن-ينگۋش ەتنو-مادەني ورتالىعى بالالار مەن جاستاردىڭ تاربيەسىنە باسا نازار اۋدارادى. سوندىقتان, «ۇلتتىق جاڭعىرۋ مەكتەبىنە» ۇل-قىزدارى كەلىپ ۇلكەندەردەن كوپ قاجەتتى تانىمدىق جايلاردى ۇيرەنەدى. مەكتەپتە بالالارعا حالىق مادەنيەتىن, ادەت-عۇرىپتارىن, ءتىلىن مەڭگەرۋلەرىنە جاعداي جاسالعان, بالالاردى تاتۋ ء ومىر سۇرۋگە, ءبىر-ءبىرىن سىيلاۋعا ۇيرەتەدى. مەكتەپتىڭ ۇل-قىزدارى بارلىق جەتىستىكتەرىن بالالار مەكتەپ, قالا, وبلىس دەڭگەيىندەگى ءتۇرلى مادەني-بۇقارالىق ءىس-شارالارىندا حالىق نازارىنا ۇسىنادى.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن ماقسات ايتباەۆ
