وسى جىلدىڭ باسىنان سوتتالاعانداردىڭ قايتا قۇقىق بۇزۋى بويىنشا 26 فاكتى تىركەلدى, - دەپ حابارلادى اقتوبە وبلىسىنىڭ قىلمىستىق-اتقارۋ جۇيەسى باسقارماسىنىڭ باستىعى ەرنات اقىلجانوۆ. اۋىر قىلمىستىڭ نەگىزگى سەبەبى - باس بوستاندىعىنان ايىرۋ ورنىنان بوساتىلعان ادامداردىڭ ءالسىز الەۋمەتتىك بەيىمدەلۋى. بۇل قايتالانعان قۇقىق بۇزۋشىلىقتاردىڭ جالپى سانىنىڭ 58% جۇمىسسىزدار ۇلەسىنە تيەسىلى.
بيىل وبلىستا سوتتالعانداردى جۇمىس ورىندارىمەن قامتاماسىز ەتۋ ءۇشىن 300 كۆوتا ءبولىندى, بىراق, ءىس جۇزىندە, جۇمىس بەرۋشىلەر زاڭدى بۇزۋشىلاردى كەز كەلگەن سىلتاۋمەن جۇمىسقا جالداماۋعا تىرىسادى دەدى ەرنات Aقىلجانوۆ. جالپى, ونىڭ ايتۋىنشا, جىل باسىنان بەرى كۆوتا بويىنشا 13 ادام جۇمىسقا ورنالاستى. بارلىعى 200-دەن استام سىناق مەرزىمى قىزمەتىندە جۇرگەن ادامدار وسى كەزەڭدە جۇمىس ىزدەگەن. اقتوبە وبلىسىنىڭ پروكۋرورى مارات قايىپجانوۆ بۇل ماسەلەنى شەشۋ ءۇشىن كۆوتا ءبولۋدىڭ ەگجەي-تەگجەيلى مەحانيزمىن ازىرلەۋدى ۇسىندى. اتاپ ايتقاندا, مارات قايىپجانوۆ تۇتقىندار بەرىلەتىن مىندەتتى كاسىپورىندارىندا ناقتى جۇمىس ورىندارىن الدىن الا انىقتاۋ قاجەت دەپ سانايدى.
وبلىس اكىمى وسى باستامانى قولداپ, سونداي-اق جۇمىس بەرۋشىلەردى جۇمىسقا ورنالاسۋ كۆوتاسىنا سايكەس كەلمەگەنى ءۇشىن جاۋاپقا تارتۋدى تاپسىردى.
- جۇمىسپەن قامتاماسىز ەتۋ شارالارىنىڭ ەڭ ءتيىمدى شارالارىنىڭ ءبىرى – رەتسيديۆتى قىلمىستى بولدىرماۋ. ەڭبەك ينسپەكتسياسى ءاربىر كاسىپورىندا جۇمىسپەن قامتۋ كۆوتالارى تۋرالى زاڭناماعا سايكەستىگىن تەكسەرۋ قاجەت, - دەدى بەردىبەك ساپارباەۆ. سونداي-اق سوتتالعاندار ءۇشىن جيىرەك بوس جۇمىس ورىندارى جارمەڭكەسىن وتكىزۋدى تاپسىردى.
بۇدان باسقا, جول قاۋىپسىزدىگى, قىلمىستىڭ الدىن-الۋ جانە جالپى قىلمىس دەڭگەيىن تومەندەتۋ ماسەلەلەرى قاراستىرىلدى.
جيىندى قورىتىندىلاي كەلە, ءوڭىر باسشىسى وبلىس ورتالىعىنىڭ قوعامدىق ورىندارىندا, جولاۋشىلار اۆتوبۋستارىندا جانە سالوندارىندا بەينەكامەرالار ورناتۋدى جالعاستىرۋدى, سونداي-اق كوكتەمگى جايىلىمدا مال ۇرلىعىن بولدىرماۋ ءۇشىن جۇمىستى جانداندىرۋ تۋرالى بىرقاتار تاپسىرمالار بەردى.
تەمىر قۇسايىن,
«ەگەمەن قازاقستان»
اقتوبە
