تمد پارلامەنتارالىق اسسامبلەياسىنىڭ بايقاۋشىلار ميسسياسىنىڭ قۇرامىنا سەناتورلار داۋرەن ادىلبەكوۆ پەن ەربولات مۇقاەۆ ەنگەن بولاتىن. دەپۋتاتتار مۇرات باقتيار ۇلى مەن ماناپ كوبەنوۆ ەقىۇ سايلاۋ ۇدەرىستەرىنە پارلامەنتتىك اسسامبلەيانىڭ اتىنان باردى. ازەربايجان ميللي مەدجليسىنىڭ شاقىرۋى بويىنشا قازاقستان پارلامەنتىنىڭ جوعارعى پالاتاسىنىڭ دەپۋتاتتارى مۇراتباي جولداسباەۆ پەن ابدالى نۇراليەۆ تا سايلاۋدى بايقاۋعا قاتىسۋدا.
سەناتور مۇراتباي جولداسباەۆ ازەربايجان بۇقارالىق اقپارات قۇرالدارىنا بەرگەن سۇحباتىندا ازاماتتاردىڭ كوپتەپ كەلگەنى مەن داۋىس بەرۋ ۇدەرىستەرىندە ءتارتىپ بۇزۋشىلىقتىڭ بولماعانىن اتاپ ءوتتى. «سايلاۋشىلاردىڭ بەلسەندىلىگى ەرەكشە نازار اۋدارادى. ءبىز بولعان ۋچاسكەلەردە ەشقانداي جاعىمسىز جاعدايلار بولعان جوق. سايلاۋ جوعارى دەڭگەيدە ۇيىمداستىرىلعان. اتاپ ايتقاندا, ۆەب-كامەرانىڭ ورناتىلۋى داۋىس بەرۋدىڭ اشىق وتۋىنە جاعداي جاسايدى», - دەدى م. جولداسباەۆ.
سەناتورلار باكۋدە جانە ەلدىڭ ءتۇرلى اۋماقتارىندا ورنالاسقان سايلاۋ ۋچاسكەلەرىندە بولۋدى جوسپارلاپ وتىر.
