قازىر جەر-جەرلەردە شاعىن جانە ورتا بيزنەس وكىلدەرى تاراپىنان ءتيىستى قۇجاتتاردى جيناپ, راسىمدەۋ جۇمىستارى قىزۋ ءورىس العان. ولاردىڭ الدى قارجى ۇيىمىنا وتىنىشتەرىن وتكىزىپ تە قويىپتى. جىلدىق پايىزى تومەن شاعىن نەسيەنىڭ باسىم بولىگى مال شارۋاشىلىعىن وركەندەتۋگە باعىتتالماقشى.
«اۋىل شارۋاشىلىعىن قارجىلاي قولداۋ قورى» اق وبلىستىق فيلايالى 2013 جىلدان بەرى اۋىل تۇرعىندارى مەن اۋىل شارۋاشىلىعى تاۋارىن وندىرۋشىلەردى نەسيەلەندىرۋمەن اينالىسادى. وسى مەرزىم ءىشىند 3 مىڭداي ادام 9 ميلليارد تەڭگەنىڭ زاەمىن رەسىمدەگەن.
«2017 جىلى «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ» جوباسى اياسىندا 700 تەرىسكەيلىك 2 ميلليارد تەڭگەگە قارجىلاندىرىلدى. بيىل ەل قازىناسىنان 1 ميلليارد تەڭگە ءبولىنىپ وتىر. شارت بويىنشا 19 ميلليون تەڭگەگە دەيىن نەسيە الۋعا بولادى», دەيدى ديرەكتوردىڭ ورىنباسارى ايدار تولەەۆ.
«جان» شارۋا قوجالىعىنىڭ جەتەكشىسى اقشولپان رامازانوۆا قارجى ۇيىمىنىڭ كومەگىنە 3 رەت جۇگىنىپتى. العاشقىدا ەگىنشىلىك جانە مال شارۋاشىلىعىن وركەندەتۋگە نەسيە السا, بۇل جولى ەتتى باعىتتاعى ءىرى قارا مالىن ءوسىرۋدى ءجون كورگەن. ونىڭ ايتۋىنشا «پرەزيدەنتتىڭ بەس الەۋمەتتىك باستاماسىندا» جەڭىلدەتىلگەن نەسيە بەرۋدىڭ ءتيىمدى تەتىكتەرى جان-جاقتى ويلاستىرىلعان.
بيىل كاسىپكەرلەردىڭ 68 پايىزى ءىرى قارا مال الۋعا ءوتىنىش بىلدىرگەن. قالعاندارى وسىمدىك جانە باسقا دا سالالارمەن شۇعىلدانباق.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
