ەستەرىڭىزگە سالا كەتەيىك, وبلىس اكىمىنىڭ تاپسىرماسى بويىنشا اۆتوموبيل جولدارى جەلىسىن دامىتۋ ماقساتىندا 2018-2020 جىلدارعا ارنالعان «جول كارتاسى» ازىرلەندى.
ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى ەلباسىنىڭ بيىلعى جولداۋىندا كولىك اعىنىن ءتيىمدى باسقارۋعا جانە جەرگىلىكتى ماڭىزى بار جولداردى بارىنشا دامىتۋدى قامتاماسىز ەتۋ قاجەت ەكەندىگىن مىندەتتەدى. وسىعان وراي, بيىل قىزىلوردا قالاسىنىڭ سىرداريا وزەنىنىڭ سول جاعالاۋ القابىن يگەرۋ ماقساتىندا كوشە-جولدارى جەلىسىن ورنالاستىرۋ ءۇشىن وبلىستىق بيۋدجەتتەن بولىنگەن 370,5 ملن تەڭگەگە 2 جوبا بويىنشا وتكەن جىلى باستالعان ەكى ماگيسترالدى كوشە قۇرىلىسىن سالۋ جوباسى جالعاسادى. شىركەيلى كانالىنا كوپىر سالۋعا قاجەتتى قوسىمشا 706 ملن تەڭگە ەل قازىناسىنان ءبولىنىپ, بيىل قۇرىلىس جۇمىستارىن باستاۋ جوسپارلانۋدا. سونىمەن قاتار, قازالى اۋدانىنىڭ «السەيىت» ۋچاسكەسىندە سىرداريا وزەنىنە كوپىر سالۋ جۇمىستارى جالعاستىرىلادى», - دەپ حابارلادى ەرجان ابدىحالىقوۆ.
سونداي-اق, وبلىستا باسقا دا جول ينفراقۇرىلىمىن دامىتۋ بويىنشا جۇمىستار جۇرگىزىلمەك. ناتيجەسىندە, وبلىستىق جانە اۋداندىق ماڭىزى بار اۆتوموبيل جولدارىنىڭ جاقسى جانە قاناعاتتانارلىق ينديكاتورلىق كورسەتكىشىن 63,5 پايىز جەتكىزۋ قامتاماسىز ەتىلەدى.
