– «BAYAN SULU-2018» حالىقتىق بەينە – حالىق تاڭداۋى» باستاماسىنىڭ ەرەجەسىنە سايكەس, بيىل 10 ساۋىردە داۋىس بەرۋ ناتيجەلەرى قورىتىندىلاپ, بايقاۋدىڭ اقتىق كەزەڭىنە قاتىساتىن بەس قىز-كەلىنشەك ىرىكتەلۋى ءتيىس ەدى. ولاردىڭ ىشىنەن باس جۇلدەگەر – تويوتا كولىگىنە يە بولىپ, بايان سۇلۋ ساۋدا بەلگىسىنىڭ بەتكە ۇستار تۇلعاسىن تاڭداۋىمىز قاجەت بولاتىن. اقپاراتتىق قاۋىپسىزدىك قىزمەتى قاتىسۋشىلارعا بەرىلگەن داۋىستاردى تەكسەرۋ كەزىندە كەيبىر قىز-كەلىنشەكتەردىڭ ەرەجەنى بۇزىپ جاتقاندىعىن انىقتادى. ۇمىتكەرلەر داۋىس جيناۋدىڭ تىيىم سالىنعان ادىستەرىن قولدانعان. وسىدان كەيىن ىشكى تەرگەۋ جۇرگىزىلىپ, ونىڭ ناتيجەسىندە اشىقتان-اشىق قولدان جاساپ وسىرىلگەن داۋىستار بازاسى انىقتالدى. ناقتىراق ايتقاندا, mail.ru سەرۆەرى ارقىلى ارنايى روبوت بىرقاتار قاتىسۋشىلاردىڭ پروفيلىنە ءاربىر 2 سەكۋند سايىن داۋىستى جيناپ ءوسىرىپ بەرىپ وتىرعان. 16 ناۋرىزدا ءبىزدىڭ ماماندار mail.ru پوشتا سەرۆەرى ارقىلى داۋىس بەرەتىن ءمودۋلدى الىپ تاستادى, – دەيدى بايقاۋ ۇيىمداستىرۋشىلارى.
وعان قوسا, قازىر اقپاراتتىق قاۋىپسىزدىك ماماندارى ءارتۇرلى سايتتار مەن فورۋمداردا اقىلى تاپسىرمالاردى جاريالاۋ ارقىلى داۋىس جيناۋدىڭ تىيىم سالىنعان ادىستەرىن 50-دەن اسا قاتىسۋشى قولدانىپ وتىرعانىن انىقتاعان. جانە داۋىس بەرۋشىلەردىڭ باسىم بولىگى شەتەل ازاماتتارى بولىپ تابىلادى. بۇل «BAYAN SULU 2018» بايقاۋىنىڭ «داۋىس بەرۋگە ءتيىستى جەرگىلىكتى IP-ادرەستەردەن داۋىس بەرەتىن قازاقستان رەسپۋبليكاسىنىڭ رەزيدەنتتەرى عانا قاتىسا الادى» دەگەن 4.7 تارماعىن بۇزۋ بولىپ تابىلادى. سونداي-اق, وسى ەرەجەلەردە «قاتىسۋشىلاردىڭ رەيتينگىن ءوسىرۋ ءۇشىن ادال ەمەس ادىستەردى قولدانۋعا تىيىم سالىنادى. ادىلەتسىز ادىستەرگە ارنايى سايتتاردا اقىلى تاپسىرمالاردى جاريالاۋ, ءبىر كومپيۋتەردەن بىرنەشە اككاۋنتتاردى تىركەۋ جانە وزگە دە ادال ەمەس ارەكەتتەر جاتادى» دەگەن 4.3 تارماعى قاراستىرىلىپ قويعانىن ەسكەرە وتىرىپ, ۇيىمداستىرۋشىلار بايقاۋ قاتىسۋشىلارىنا بايقاۋدىڭ وسى ەرەجەلەرىنە سايكەس شارالار قابىلدايدى.
ەندىگى جەردە بايقاۋعا قاتىسۋشىلار بۇعان كەلىسپەگەن جاعدايدا, ولاردىڭ اتتارى, سكرينشوتتاردى جانە داۋىس بەرۋشىلەردىڭ IP-ادرەستەر بازاسىن كورسەتىلە وتىرىپ, بۇكىل ماتەريالدار اشىق تۇردە جاريالاناتىن بولادى.
بايقاۋدىڭ ءادىل وتۋىنە مۇددەلى جاندار قاجەت بولعان جاعدايدا, تىيىم سالىنعان داۋىس جيناۋ ادىستەرىنىڭ قولدانىلعانىن ايعاقتايتىن بۇكىل دالەلدەر, ۇمىتكەرلەردىڭ اتى-ءجونى, سكرينشوتتار مەن اقپاراتتار اشىق جاريالانادى. ءبىز الاقول تاسىلدەردەن باس تارتۋعا شاقىرامىز. حاكەرلىك باعدارلامالار جانە بوتتار كومەگىمەن جاساندى جولمەن جينالعان داۋىستاردىڭ بارلىعى انىقتالىپ, الىنىپ تاستالدى. قاتىسۋشىلاردىڭ بارلىعىن ادال جولمەن جەڭىسكە جەتۋگە شاقىرامىز, دەپ وتىر7
«دەگەنمەن جوبانىڭ العاشقى كۇنىنەن باستاپ بايقاۋعا جۇرتشىلىق ۇلكەن قىزىعۋشىلىق تانىتىپ وتىر. www.halykbayansulu.kz سايتىنا ميلليونعا جۋىق بىرەگەي ينتەرنەت-قولدانۋشى كىرگەن. 16 مىڭنان اسا ادامنان ءوتىنىم ءتۇستى. بۇگىندە تاڭدا بايقاۋعا 2100-دەن اسا قىز-كەلىنشەك قاتىسۋدا. بايقاۋ مەرزىمىنىڭ ۇزارتىلۋى ءارى ءاربىر ادەمى ارۋعا باعىن سىناپ كورۋگە مۇمكىندىكتى مولايتا تۇسەدى», – دەدى «بايان سۇلۋ» كونديتەرلىك فابريكاسى ۇيىمداستىرۋ كوميتەتىنىڭ توراعاسى مارلەن ابۋلعازينوۆ.
20 اقپان كۇنى ەلىمىزدىڭ كورىكتى بايان سۇلۋ بەينەسىن دارىپتەۋگە لايىقتى قىز-كەلىنشەكتەرى اراسىندا ونلاين ارقىلى حالىقتىق داۋىس بەرۋ بايقاۋى باستالعانىن سەكە سالا كەتەيىك. «BAYAN SULU 2018» ءبىرىنشى كەزەكتە قازاق حالقىنىڭ داستۇرلەرىن ناسيحاتتاۋعا باعىتتالعان الەۋمەتتىك ماڭىزعا يە جوبا بولعاندىقتان, باستى قاعيداسى – ايقىندىق جانە ادالدىق. ونلاين ارقىلى داۋىس بەرۋ قورىتىندىسى بويىنشا اقتىق مارەگە شىققان 5 قاتىسۋشىنىڭ ەسىمى 13 مامىردا بەلگىلى بولماق.
ايناش ەسالي,
«ەگەمەن قازاقستان»
الماتى
