سونىمەن قاتار بۇل ماسەلە قوعامدا ۇلكەن رەزونانس تۋدىرىپ, الەۋمەتتىك جەلىدە قىزۋ تالقىلانعاننان سوڭ ىسكە وبلىس اكىمدىگى ارالاسىپ, جۋرناليستكە بەرىلگەن سوگىس الىنىپ تاستالعانى, رەداكتسيادا وتكەن جيىندا مەملەكەتتىك ءتىلدى ءجوندى بىلمەيتىن «شىعىس اقپارات» جشس-ءى ديرەكتورىنىڭ ورنىنا قازاق-ورىس تىلدەرىنە جەتىك باسشى قويۋ تالاپ ەتىلگەنى ماقالادا جازىلعان-دى.
ماقالا جارىق كورگەننەن كەيىن رەسپۋبليكا مەن ءوڭىردىڭ ءبىر توپ زيالى قاۋىم وكىلدەرى دە «ەگەمەندە» جاريالانعان ماتەريالعا سىلتەمە جاساي وتىرىپ «شىعىس اقپارات» باسشىسىن اۋىستىرۋدى تالاپ ەتىپ وبلىس اكىمى دانيال احمەتوۆكە حات جازعان ەدى. وسى حات جازىلعاننان سوڭ كوپ ۋاقىت وتپەي ايماق باسشىسى سەمەي مەن وسكەمەننىڭ زيالى قاۋىم وكىلدەرىنىڭ, جۋرناليستەردىڭ باسىن قوسىپ, ءبىر اي كولەمىندە «شىعىس اقپارات» جشس ديرەكتورى ورنىنا مەملەكەتتىك ءتىلدى دە, ورىس ءتىلىن دە بىلەتىن باسشى قويىلاتىندىعىن ايتقان بولاتىن. ايتقانىنداي تۋرا ءبىر ايدان كەيىن, ناقتىراق ايتساق 9 ساۋىردە «شىعىس اقپارات» اق باسقارماسىنىڭ جاڭا توراعاسى تانىستىرىلدى.
بۇل قىزمەتكە بۇعان دەيىن وبلىستىق ىشكى ساياسات باسقارماسى باسشىسىنىڭ ورىنباسارى بولعان سەرىك جەڭىسوۆ تاعايىندالدى. سونىمەن قاتار وبلىستىق «رۋدنىي التاي» گازەتىندە دە اۋىس-ءتۇيىس ورىن الىپ, بەلگىلى جۋرناليست ولگا شابالينا باسىلىمنىڭ باس رەداكتورى قىزمەتىنە كىرىسىپ كەتتى.
ازامات قاسىم,
«ەگەمەن قازاقستان»
وسكەمەن
