6 ساۋىردە قوستاناي قالاسىندا قازاقستان رەسپۋبليكاسى كاسىپوداقتار فەدەراتسياسىنىڭ ۇيىمداستىرۋىمەن «بەس الەۋمەتتىك باستاما. الەۋمەتتىك يننوۆاتسيالار. كەلەشەك كەلبەتى» فورۋمىنىڭ اشىلۋى ءوتتى.
ءى.وماروۆ اتىنداعى قوستاناي وبلىستىق قازاق دراما تەاترىنىڭ زالىندا وتكەن جيىنعا قوستاناي وبلىسى بويىنشا باستاۋىش كاسىپوداق ۇيىمدارىنىڭ 260 باسشىلارى مەن وكىلدەرى جينالدى.
سونداي-اق, فورۋمعا قر پارلامەنتى دەپۋتاتتارى, قر ەڭبەك جانە حالىقتى الەۋمەتتىك قورعاۋ مينيسترلىگىنىڭ جانە «اتامەكەن» ۇلتتىق پالاتاسىنىڭ وكىلدەرى قاتىستى.
فورۋم باستالماستان بۇرىن تەاتر حوللىندا «Profsoyuz.kz» كورمەسى ۇيىمداستىرىلدى. كورمە «الەۋمەتتىك», «قۇقىقتىق قورعاۋ», «وقۋ ورتالىعى», «دەنساۋلىق جانە تۋريزم» جانە «كاسىپوداقتىڭ ديسكونت-سەرىكتەستەرى» دەپ اتالاتىن 5 نەگىزگى بولىمنەن تۇردى.
جيىندا سويلەگەن كاسىپوداقتار فەدەراتسياسىنىڭ توراعاسى باقىتجان ءابدىرايىم ەلباسىنىڭ 5 باستاماسىن جان-جاقتى سارالادى. سونداي-اق, كاسىپوداقتاردىڭ وكىلدەرى جۇمىسشىلارعا ەلباسىنىڭ باستامالارى تۋرالى دۇرىس اقپاراتتى جەتكىزۋى ءتيىس ەكەندىگىن اتاپ ءوتتى.
باقىتجان ءابدىرايىم قر كاسىپوداقتار فەدەراتسياسى باستاۋىش كاسىپوداق ۇيىمدارىنا ەرەكشە نازار اۋداراتىندىعىن جەتكىزدى. سەبەبى, باستاۋىش كاسىپوداق ۇيىمدارى ادامدارمەن تىعىز جۇمىس اتقارادى, دەمەك, جۇمىسشىلاردىڭ ماسەلەلى سۇراقتارى, الەۋمەتتىك-ەڭبەك قاتىناستارى باستاۋىش ۇيىمداردان باستاۋ الادى.
ء«بىز باستاۋىش كاسىپوداق ۇيىمدارىنا بارۋعا نيەتتىمىز, سەبەبى, فەدەراتسيا مەن باستاۋىش ۇيىمدار اراسىندا ەشقانداي دەلدال بولۋى ءتيىس ەمەس. فەدەراتسيا باستاۋىش كاسىپوداق ۇيىمدارىنىڭ قانداي دا ءبىر ماسەلەنى شەشەتىن دەربەس ءۇنى بولعانىن قالايدى. ۇلتتىق پىكىر الماسۋ اياسىندا ءوزارا بايلانىستىڭ دامۋىنا ەرەكشە نازار اۋدارامىز جانە باستاۋىش ۇيىمداردىڭ بەلسەندىلىگىن ىنتالاندىرۋ ءۇشىن جۇمىستار اتقارىلادى. ولاردىڭ قۇقىقتىق مارتەبەسىنەن باستاپ, اتقاراتىن جۇمىستارىنا دەيىن نازارعا الىنادى» - دەدى كاسىپوداقتار فەدەراتسياسىنىڭ توراعاسى.
سونىمەن قاتار باستاۋىش ۇيىمدار ءوز جۇمىسىن جانداندىرۋى جانە ءداستۇرلى قىزمەتىنىڭ اياسىن كەڭەيتۋى ءتيىس. بۇگىندە كاسىپوداقتار الەمنىڭ دامىعان 30 ەلىندە قابىلدانعان ء«ومىر ءسۇرۋ ساپاسى» اتتى كورسەتكىشتى كاسىپوداقتارعا ەنگىزۋى قاجەت.
ءومىر ءسۇرۋ ساپاسىنىڭ بەلگىلەرى جۇمىس جانە دەمالىس ۋاقىتىنىڭ قالىپتى ۇزاقتىعى, قاۋىپسىز ەڭبەك شارتتارىنىڭ ءارى قاراي دامۋى, گەندەرلىك تەپە-تەڭدىك جانە باسقا دا بازالىق تۇسىنىكتەردەن تۇرادى.
فەدەراتسيا توراعاسى ەڭبەك قاۋىپسىزدىگى جانە ەڭبەكتى قورعاۋ, قجەق جونىندەگى وندىرىستىك كەڭەستەردى قۇرۋ بويىنشا جۇمىستاردى وزەكتەندىرۋ, ۇجىمدىق شارتتاردىڭ سانىن ارتتىرۋ جانە ساپاسىن جاقسارتۋ, جاستاردى كاسىپوداق قاتارىنا تارتۋ ماسەلەلەرىنە كوڭىل اۋدارۋعا شاقىردى.
فورۋم اياسىندا قر كاسىپوداقتار فەدەراتسياسى مەن قوستاناي وبلىسى اكىمدىگى اراسىندا ەڭبەك قاۋىپسىزدىگى مەن ەڭبەكتى قورعاۋ جانە وڭىردە الەۋمەتتىك-ەڭبەك داۋلارىنىڭ الدىن-الۋ ماسەلەلەرى بويىنشا مەموراندۋمعا قول قويۋ ءراسىمى ءوتتى. قۇجاتقا كاسىپوداقتار فەدەراتسياسىنىڭ توراعاسى باقىتجان ءابدىرايىم مەن قوستاناي وبلىسىنىڭ اكىمى ارحيمەد مۇحامبەتوۆ قول قويدى.
قوستاناي وبلىسىنىڭ باستاۋىش كاسىپوداق ۇيىمدارى 5 الەۋمەتتىك باستامانى ءتيىمدى جۇزەگە اسىرۋ ماسەلەلەرىن تالقىلادى.
وسى ءىس-شارادا «اتامەكەن» قر ۇلتتىق كاسىپكەرلەر پالاتاسىنىڭ وكىلدەرى, «سسكوب» اق, قوستاناي وبلىستىق كوپسالالى اۋرۋحانانىڭ, قوستاناي قالاسى اكىمدىگىنىڭ اۋىل شارۋاشىلىعى ءبولىمىنىڭ, قوستاناي مەملەكەتتىك ۋنيۆەرسيتەتىنىڭ باستاۋىش كاسىپوداق ۇيىمدارىنىڭ توراعالارى ءسوز سويلەدى.
فورۋمنىڭ ءبىرىنشى ءبولىمىنىڭ قورىتىندىسىندا كاسىپوداق اكتيۆى مەن الەۋمەتتىك ارىپتەستەرگە العىس حاتتار جانە ماراپاتتار تاپسىرىلدى.
كۇننىڭ ەكىنشى جارتىسىندا قر زاماناۋي الەۋمەتتىك ساياسات, كاسىپوداقتاردىڭ 2018-2019 جىلدارعا ارنالعان جاڭعىرۋ جول كارتاسىن جۇزەگە اسىرۋدا باستاۋىش كاسىپوداق ۇيىمدارىنىڭ ءرولى, باستاۋىش كاسىپوداق ۇيىمدارىنىڭ قوعاممەن بايلانىسى تاقىرىبىندا پىكىر الماسۋلار ءوتتى.
سونداي-اق, حالىقتى جۇمىسپەن قامتۋدى رەتتەۋ سالاسىنداعى مەملەكەتتىك باعدارلامالار جانە قوعامدىق ۇيىمنىڭ رەسۋرستارىن ءتيىمدى باسقارۋعا قاتىستى تاقىرىپتار تالقىلاندى.
كاسىپوداقتار فەدەراتسياسى كەلەشەكتە قازاقستاننىڭ بارلىق وڭىرلەرىندە باستاۋىش كاسىپوداق ۇيىمدارىنىڭ فورۋمىن وتكىزۋگە نيەتتى.
