قارابۇتانىڭ بالالارى ايرىقشا ويىنشىقپەن وينايدى

مىسالى, مايگۇل سۇلتاننىڭ «ويىنشىق­قا دا ويلى كوزقاراس كەرەك» (№26, 7 اقپان, 2018 جىل) دەگەن ماقالاسى تالايىمىزدىڭ كوكەيىمىزدەگى ويدى ءدوپ باستى. اۆتور ايتۋلى ماسەلە­نىڭ قالتارىس-بۇلتارىسىنا ۇڭىلە وتىرىپ جازعان تولعا­نى­سىنا ءبىز دە ءوز ءۇنىمىزدى قوس­ساق دەپ بەكىندىك. ۇرپاق تار­بيەسىندە ويىنشىقتار­دىڭ قانشالىقتى ءرول اتقاراتى­نىن جۋرناليست ما­يىن تامىزا جازىپتى. وسى ورايدا ماقالادا كوتەرىلگەن ۇلتتىق ويىنشىق­تار ءبىزدىڭ اۋىلىمىزدا دا بار ەكەنىن ماقتانىشپەن جەتكىزبەككە قولعا قالام الدىق.

وتكەن جىلدىڭ كۇزىندە شىعىس قازاقستانداعى ما­قان­شى ءوڭىرىنىڭ قارابۇتا اۋى­لىندا «تۋعان جەرگە تۋىڭدى تىك» اتتى جەرلەس­تەر فورۋمى وتكەن بولاتىن. ونداعى ماقسات الىس­تا جۇر­گەن اۋىلداستار­دىڭ تۋ­عان وڭىرلەرىمەن باي­لانىسىن نىعاي­تىپ, ەلجاندى ازاماتتاردى اۋىل­دىڭ كوركەيۋىنە ۇلەس قوسۋعا شاقىرۋ ەدى. الىستا جۇرگەن اۋىل­داستار­دىڭ تۋعان توپىراقتا مەشىت سالىپ, ساياباقتاردى جوندەپ, ەڭبەك ارداگەرلەرى مەن انالار قۇرمەتىنە ەسكەرتكىشتەر ور­ناتۋ سياقتى ءۇردىسى بۇرىن­نان ­بار بولاتىن. بۇل جولى دا جو­مارت جەرلەستەرىمىز «اۋىلدىڭ الەۋمەتتىك-ەكونو­ميكالىق دامۋىنا قولىڭنان كەلگەنشە قولداۋ جاسا» دەگەن ۇندەۋىن جەرگە قالدىرعان جوق. ءسويتىپ اۋىلداعى «نۇر شۋاق» بالاباقشاسى ەرەكشە ۇلگىدەگى ۇلتتىق ويىنشىقتارمەن قام­تىلىپ, ەمحاناعا تەلەديدار جەتكىزىلدى.

قارابۇتا اۋىلىنىڭ قارا­دو­­مالاقتارىنا سوۆەت شو­شەكوۆ پەن سەرىك يسا ەسىمدى كاسىپ­كەرلەر سىي­لاعان زاماناۋي ۇلگى­دەگى ۇلتتىق ويىن­شىق­تار ما­قالادا ايتىلعان «جەتى ونەر.kz» كومپانياسىنىڭ ونىم­­دەرى ەكەن. «كەرەمەت ءۇي», «كەرە­مەت دومبىرا», «ماعىنالى ويۋلار» دەپ اتالاتىن توپتامالار تەك ويىن قۇرالى عانا ەمەس, بالا ساناسىن ۇلتتىق باعىتتا دامىتىپ, باۋىر­مالدىققا باۋليتىن تاربيە قۇرالى ەكەنىنە كوزىمىز جەتىپ وتىر. ويىنشىقتاردىڭ ار­قاي­­سى­سى­نىڭ جەكە نۇسقاۋ­لىق كىتاپشا­لارى بار. ون­داعى تاقپاق تۇرىندە بەرىل­گەن ويىنشىقتاردى قۇراستىرۋ بارىسى مەن اتاۋلار بالانىڭ ءتىلىن دامىتىپ, ويىن ۇشقىر­لاۋعا سەپ­تىگىن تيگىزەدى. ويىن­شىقتاردىڭ تاعى ءبىر ار­تىق­­شىلىعى – ونى ءبىر نەمەسە بىرنەشە بالا بىرلەسە قۇراس­­تى­رۋى­نا بولادى. بۇل بال­دىرعاندار­­دىڭ ءبىر-بىرىنە دەگەن باۋىرماشىلدى­­­عىن ارتتىرا تۇسۋدە. مىسالى, «كەرە­مەت ءۇيدىڭ» 6 كەرەگە, 20 ۋىعىنان وزگە ءۇي ىشىنە قويى­لاتىن قايقىباس اعاش توسەك, جۇكاياق, بەسىك, سىرماق سياق­تى ۇلت­تىق بۇيىمدارى دا بار. ءسابي ويىن­شىق­تاردى قۇراس­تىرا ءجۇرىپ-اق ساناسىندا ۇلت­تىق ورنەكتەردىڭ, سول توڭى­رەكتە تاربيەشى مەن اجەسى ايت­قان اڭگىمەلەردى تەز ءارى تەرەڭ قابىلدايتىنى انىق.

مەدەت كەڭەسوۆ

شىعىس قازاقستان وبلىسى,

ءۇرجار اۋدانى,

قارابۇتا اۋىلدىق وكرۋگى