ءۇش وبلىستاعى تۇيە سانى شاشامەن 70 مىڭنان اساتىنىن ەسكەرگەن وڭتۇستىك قازاقستان وبلىسىنىڭ اكىمى جانسەيىت تۇيمەباەۆ تىعىز بايلانىس ورناتىپ, ءتيىستى باسقارما باسشىلارىنا وڭىرىمىزدەگى تۇيە شارۋاشىلىعىن دامىتۋ ماقساتىندا ناقتى تاپسىرمالار جۇكتەدى.
ويتكەنi وڭىردە سالىنىپ جاتقان زاۋىت تۇيە سۇتiمەن تولىق قامتاماسىز ەتiلۋi تيiس. بۇل ورايدا اۋدان, قالالاردا تۇيە ءسۇتiن جينايتىن پۋنكتتەر اشۋ دا ماڭىزدى. ەكى جىل بۇرىن ەلىمىزدە تىركەلگەن Golden Camel Group LTD كومپانياسى قۋاتتىلىعى تاۋلىگىنە 100 توننا ءسۇت وڭدەيتىن ءوندىرىستىڭ قۇرىلىسىن باستاعان ەدى. قۇنى 7,5 ملرد. تەڭگە بولاتىن زاۋىتتىڭ جىلىنا 2500 توننا قۇرعاق ءسۇت وندىرەتىنى جوسپارلانعانى جانە ينۆەستيتسيالىق جوبا ىسكە قوسىلعاندا 150-دەن استام ازامات جۇمىسپەن قامتىلاتىنى ايتىلعان-دى. زاۋىتتا ازىرلەنگەن دايىن ونىمدەردىڭ رەسپۋبليكا نارىعىنان بولەك, قىتاي, ساۋد ارابيا, گونكونگ ەلدەرىنە ەكسپورتتالاتىنان دا جۇرت حاباردار.
وڭىرلىك ينۆەستيتسيالىق كەڭەستىڭ وتىرىسىندا وبلىس اكىمىنە زاۋىتتىڭ قۇرىلىسى جونىندە مالىمەت بەرگەن «Golden Camel Group Ltd» كومپانياسىنىڭ باسشىسى لي حۋەي جاقىن ارادا 30-عا جۋىق جەرگىلىكتى تۇرعىنداردى جۇمىسقا قابىلدايتىنىن جەتكىزدى. ال جانسەيىت قانسەيىت ۇلى قۇرعاق شۇبات وندىرەتىن كاسىپورىنعا قاجەتتى تۇيە ءسۇتىنىڭ كولەمىنە الاڭداۋشىلىق ءبىلدىردى. بۇل ورايدا وزگە وبلىستاردان دا ءسۇت قابىلداۋدى وڭ جولعا قويۋ قاجەت. سونداي-اق, ينۆەستيتسيالىق كەڭەستە وبلىس اكىمى ەلباسى مەن ۇكىمەتتىڭ تاپسىرمالارىن ۋاقىتىلى جانە ءتيىستى دەڭگەيدە ورىنداۋ – باسىم باعىت بولۋى, وڭىرگە ينۆەستورلاردى تارتۋ مەن ينۆەستيتسيالىق احۋالدى جاقسارتۋ ماقساتىندا قۇرىلعان وڭىرلىك كەڭەستىڭ جۇمىسىن ودان ءارى جانداندىرۋ قاجەتتىگىن ايتتى. «Kazakh Invest» اكتسيونەرلىك قوعامىنىڭ وڭىرلىك فيلالىنىڭ جۇمىسىن كۇشەيتۋدى تاپسىردى.
كەڭەس بارىسىندا «اsia Trafo», «Gold Aluminum», «Green Technology», «Golden Camel Group Ltd» كومپانيالارى باسشىلارىنىڭ ءوتىنىش-تىلەكتەرى تىڭدالدى. مىسالى, «اsia Trafo» جشس ديرەكتورى سەرعازى كۇنتۋاروۆ ەلەكتر مەن گاز قاجەتتىگىن جەتكىزسە, «Green Technology» جەڭىسباي سۇلتانوۆ قوندىرعىلاردى ىسكە قوسۋعا كەلەتىن شەتەلدىك مامانداردىڭ ۆيزا ماسەلەسىن كوتەردى.
ەركىن دوسىمباي,
وڭتۇستىك قازاقستان وبلىسى
