سەناتوردىڭ شىمكەنت قالاسىنىڭ اگرارلىق كوللەدجىندەگى كەزدەسۋىنە جەرگىلىكتى اتقارۋشى بيلىك ورگاندارىنىڭ, وبلىستىق ءبىلىم باسقارماسىنىڭ وكىلدەرى, ساياسي پارتيا مۇشەلەرى جانە جاستار قاتىستى. جيىندا دەپۋتات ەلباسىنىڭ الەۋمەتتىك باستامالارىن ىسكە اسىرۋ جولدارى مەن تەتىكتەرىنە كەڭىنەن توقتالدى. ءالي بەكتاەۆتىڭ ايتۋىنشا, قازىرگى كەزدە اۋىلدان قالاعا جاپپاي قونىس اۋدارۋ ماسەلەسى ەرەكشە نازار اۋدارۋدى تالاپ ەتىپ وتىر.
«كوپتەگەن جاستار, وتباسىلار قالاعا بارساق جۇمىس تابامىز, جاعدايىمىز جاقسارىپ كەتەدى, ءۇي الامىز دەگەن سەنىممەن قالاعا كوشىپ جاتىر. كوپ ازاماتتار جۇمىس تاپقانىمەن ءۇيى جوق. پاتەر جالداپ تۇرادى. بالالارىن بالا-باقشاعا بەرە المايدى. سول سەكىلدى تۇتكىلدەر ءجيى كەزدەسەدى», دەدى ءالي بەكتاەۆ.
سەناتور ەلباسىنىڭ بەس الەۋمەتتىك باستاماسىنداعى جەڭىلدەتىلگەن پايىزبەن باسپانا الۋ مۇمكىندىگى ءدال وسى اۋىلدان كەلگەن ادامدارعا ۇلكەن كومەك بولاتىنىن اتاپ ءوتتى.
سەناتوردىڭ تۇركىستان قالاسىنداعى قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىندە پروفەسسورلار-وقىتۋشىلار قۇرامىمەن جانە ستۋدەرتتەرمەن كەزدەسۋىندە ءبىلىم-عىلىمدى دامىتۋ ماسەلەلەرى تۋرالى ايتىلدى. مەملەكەت باسشىسىنىڭ بەس الەۋمەتتىك باستاماسىندا ايتىلعان قوسىمشا بەرىلەتىن ءبىلىم گرانتتارى, جاتاقحانا قۇرىلىسىنا بايلانىستى ۇستازدار قاۋىمى مەن ستۋدەنتتەر قولداۋ ءبىلدىرىپ, ءوز ويلارىن ورتاعا سالدى.
دەپۋتات ءا.بەكتاەۆ وتىرار اۋدانىندا ءشاۋىلدىر اۋىلىنىڭ تۇعىندارىمەن كەزدەستى. جۇزدەسۋدە ەلباسىنىڭ باستاماسىنداعى جەڭىلدەتىلگەن نەسيە الۋ مۇمكىندىكتەرى, سالىق جۇكتەمەسىن تومەندەتۋ, جوعارى وقۋ ورىندارىندا ءبىلىم الۋداعى جاڭالىقتار جايىندا كەڭىنەن اڭگىمە بولدى.
