«قازىرگى تاڭدا ەشقانداي موراتوري جوق. شاعىن جانە ورتا بيزنەس ءۇشىن كانيكۋل ءجۇرىپ جاتىر (...). شوب نىساندارى ايتارلىقتاي ەمەس ەپيدەميولوگيالىق ماڭىزداعى ورىندارعا جاتادى. ولار تەك حالىقتىڭ شاعىمى تۇسكەن ۋاقىتتا نەمەسە قانداي دا ءبىر توتەنشە جاعدايلار تۋىنداعاندا عانا تەكسەرىلەتىن بولادى», - دەيدى بەكشين وكق-دا وتكەن ءباسپاسوز ءماسليحاتىنان كەيىن.
ونىڭ ايتۋىنشا, الداعى ۋاقىتتا قازاقستانداعى جۇمساق بالمۇزداق ساتاتىن بارلىق نىساندار تەكسەرىلەتىن بولادى.
«بىرىنشىدەن, بۇل نۇكتە جابىلدى. ەكىنشىدەن, ماتەريالدار تەرگەۋ ورگاندارىنا تاپسىرىلىپ, وڭتۇستىك قازاقستان وبلىسىنىڭ ىشكى ساياسات باسقارماسى تەكسەرىس اياقتالعاننان كەيىن وسى ورىندى اشىپ, ساپاسىز ءونىمدى ساتقان جەكە كاسىپكەر ەشمۇراتوۆتىڭ كىناسى قانشالىقتى ەكەنىن انىقتايتىن بولادى», - دەدى ول.
كوميتەت توراعاسىنىڭ ايتۋىنشا, بۇكىل قازاقستان بويىنشا قوعامدىق دەنساۋلىق ساقتاۋ كوميتەتىنىڭ جەرگىلىكتى ورگاندارى بالمۇزداق ساتاتىن ورىنداردى تەكسەرۋدى باستاپ كەتپەك.
«جالپى, ءسۇت ونىمدەرى ارقاشان ەپيدەميلوگيالىق ماڭىزعا يە. ەڭ ءبىرىنشى كەزەكتە, ونەركاسىپتىك اۋقىمدا ءونىم شىعاراتىن ءسۇت وڭدەيتىن كاسىپورىنداردىڭ بارلىعى تەكسەرىلەتىن بولادى. بۇل جەردە بالالاردا دەمالىس بولعاندىقتان, ال ساۋدا نۇكتەسى قالالىق ساياباقتان الىس بولماعاندىقتان, سونداعى حالىقتىڭ كوبى وسى ونىمنەن ءدام تاتقان بولۋى كەرەك», - دەيدى جانداربەك بەكشين.
ەسكە سالا كەتسەك, شىمكەنتتە وسىعان دەيىن ونداعان ادام بالمۇزداقتان ۋلانىپ, اۋرۋحاناعا تۇسكەن بولاتىن.
