جانكەلدين اۋدانىنداعى تورعاي اۋىلىندا جەرگىلىكتى جۇرتشىلىقپەن كەزدەسۋدە ايماقتا تولىققاندى كولىك كوممۋنيكاتسيالارىن قالىپتاستىرۋ قاجەتتىگى تۋرالى اڭگىمە بولدى. وبلىس ورتالىعىنان ەڭ شالعاي اۋدان قوستانايدان 500 شاقىرىم شاماسىنداعى الىسقا ورنالاسقان, ول ەلىمىزدىڭ باسقا قالالارىمەن تەمىرجول قاتىناسى جوق. وسىعان بايلانىستى ارقالىق-تورعاي-ىرعىز تەمىرجول قۇرىلىسىن سالۋ ماسەلەسى قويىلىپ وتىر. ودان باسقا, اۋداندا كادىمگى جانار-جاعار ماي قۇيۋ بەكەتتەرى دە جەتىسپەيدى.
جەرگىلىكتى تۇرعىندار جانگەلدين اۋدانىنىڭ اۋماعى رەسەيلىك عارىش زىمىراندارىنىڭ قالدىق بولىكتەرى قۇلايتىن اۋماق رەتىندە بولىنگەنىنە الاڭداۋشىلىق ءبىلدىرىپ وتىر. كەزدەسۋگە قاتىسۋشىلار بۇل شەشىمنىڭ جاعىمسىز ەكولوگيالىق زارداپتارى بولۋ مۇمكىندىكتەرى تۋرالى ايتتى. وداگن باسقا, اۋىل تۇرعىندارى جەردىڭ «التىن دالا» تابيعي قورىعىنا بەرىلۋىنە بايلانىستى مال جايۋعا ارنالعان جەردىڭ جوقتىعىنا شاعىمدارىن جەتكىزدى.
ارقالىق تۇرعىندارى ءوز كەزەگىندە ارقالىق-شۇباركول تەمىرجولى بويىنشا جولاۋشىلار تاسىمالىن جولعا قويۋدى, سونداي-اق ارقالىقتان ەلىمىزدىڭ كوپتەگەن ايماقتارىنىڭ كولىك قاتىناستارىن وڭتايلاندىرۋعا مۇمكىندىك بەرەتىنىن تارماقتى وڭتۇستىك باعىتقا ۇزارتۋ تۋرالى ءوتىنىش ايتتى.
سەنات توراعاسىنىڭ ورىنباسارى بەكتاس بەكنازاروۆ مەملەكەت باسشىسىنىڭ بارلىق قازاقستاندىقتاردىڭ ءال-اۋقاتىن ارتتىرۋعا باعىتتالعان بەس الەۋمەتتىك باستامالارى تۋرالى كەزدەسۋگە قاتىسۋشىلارعا ايتىپ بەردى. ۇستازدار قاۋىمىنىڭ مارتەبەسى مەن بەدەلىن كوتەرۋگە ەرەكشە نازار اۋدارىلدى. مۇعالىمدەر مەن اتا-انالار ءبىلىم مينيسترلىگىن ءبىلىم بەرۋ جۇيەسىندەگى ۇزدىكسىز رەفورمالاردى ويلاستىرىپ بارىپ قولعا الۋعا شاقىردى. جەرگىلىكتى مەشىتتىڭ يمامى مەكتەپتەردە كەلەشەكتە ءدىنتانۋ ءپانىن ەنگىزۋ تۋرالى ويلارىن ورتاعا سالدى.
ب. بەكنازاروۆ ارقالىق قالاسىنداعى ارداگەرلەرمەن قوعامداعى رۋحاني احۋال جايىن دا تالقىلادى. اتاپ ايتقاندا, ول قوعامدىق سانانى جاڭعىرتۋعا جانە قازاق حالقىنىڭ داستۇرلەرى مەن مادەني مۇرالارىن ساقتاۋعا باعىتتالعان «رۋحاني جاڭعىرۋ» باعدارلاماسىن ىسكە اسىرۋدىڭ ماڭىزدىلىعىن اتاپ ءوتتى.
سەنات توراعاسىنىڭ ورىنباسارى ايماقتاعى سوت, قۇقىق قورعاۋ جانە ارناۋلى ورگاندار قىزمەتكەرلەرىمەن اڭگىمە بارىسىندا وتكەن جىلى قىلمىستىق جانە اكىمشىلىك زاڭنامالىق اكتىلەردى جەتىلدىرۋگە بايلانىستى قابىلدانعان قۇقىقتىق رەفورمانى ىسكە اسىرۋ بارىسى تۋرالى اڭگىمەلەدى. سونداي-اق سوت وكىلەتتىگىندەگى وزگەرىستەرگە, قۇقىق قورعاۋ ورگاندارىن رەفورمالاۋعا, ەكسترەميزم مەن تەرروريزمنىڭ الدىن الۋعا قاتىستى ماسەلەلەر دە قارالدى.
شاراعا سەنات دەپۋتاتتارى سەرىك بەكتۇرعانوۆ جانە جەڭىس نۇرعاليەۆ, جەرگىلىكتى وكىلدى جانە اتقارۋشى بيلىك ورگاندارىنىڭ باسشىلارى قاتىستى.
