دەلەگاتسيا وسى ساپارىندا س.سەيفۋللين اتىنداعى قازاق اگروتەحنيكالىق ۋنيۆەرسيتەتى بازاسىنداعى تسيفرلاندىرۋ سالاسىندا ء بىلىم تاراتۋ ورتالىعىندا بولىپ, «قاتۋ» اق باسقارماسىنىڭ توراعاسى اقىلبەك كۇرىشباەۆپەن كەزدەسكەن ەدى. سول كەزدەسۋدە ايتىلعان ماسەلەلەر بويىنشا ەندى ءبىلىم ورداسىنىڭ دەلەگاتسياسى قوستاناي وبلىسىنا كەلدى.
كەزدەسۋدە وبلىس اكىمى ارحيمەد مۇحامبەتوۆ پرەزيدەنت تاپسىرعان ەكونوميكانىڭ جانە الەۋمەتتىك سالالاردىڭ بارلىعىن تسيفرلاندىرۋ جۇمىستارىنىڭ وبلىستا باستاۋ العانىنان حاباردار ەتتى.
«ول ءۇشىن وبلىستا «تسيفرلاندىرۋدىڭ جول كارتاسى» جاسالدى, وندا ومىرگە ەنگىزىلەتىن 70 جوبانىڭ 30-ى اۋىل شارۋاشىلىعى سالاسىندا اتقارىلاتىن بولادى. ءبىز وسى جوبالاردى جۇزەگە اسىرۋ ءۇشىن بارلىق بايلانىستاردى, مۇمكىندىكتەردى پايدالاناتىن بولامىز. سوندىقتان بۇگىنگى كەزدەسۋدىڭ, ەكى جاقتى قول قويىلاتىن مەموراندۋمنىڭ ماڭىزى زور» دەدى وبلىس اكىمى ارحيمەد مۇحامبەتوۆ. مۇنان كەيىن اقىلبەك كۇرىشباەۆ س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ بازاسىنداعى اۋىل شارۋاشىلىعىن تسيفرلاندىرۋ تەحنولوگياسى ترانسفەرتى تۋرالى اڭگىمەلەدى.
رەكتور تسيفرلاندىرۋدى دامىتۋدا ءۇش باعىت جانە ءۇش بلوك ماسەلەلەردى ۇسىناتىنىن ايتتى. ءبىرىنشى ماسەلە تابيعي رەسۋرستاردى, ونىڭ ىشىندە جەر رەسۋرستارىن مەملەكەتتىك ورگانداردىڭ قاداعالاۋى بولىپ تابىلادى. تسيفرلاندىرۋ, جاساندى ينتەللەكتىنى قوسۋدىڭ ارقاسىندا ونىڭ 95 پايىزى كوسموستان قاداعالاتىن بولادى. ەكىنشى ماسەلە ناقتى جەر پايدالانۋدا تەحنولوگيانى پايدالانۋعا بايلانىستى. ءۇشىنشى ماسەلەدە قوستاناي وبلىسىمەن ىنتىماقتاسا جۇمىس ىستەۋ, تەحنولوگيالاردى پايدالانۋدى قاراستىرىلادى.
كەزدەسۋدە دەلەگاتسيا مۇشەلەرى, تسيفرلاندىرۋ تەحنولوگيالارى بويىنشا ۇلكەن عالىم- ماماندار وسى ايتىلعان ماسەلەلەردى تاراتىپ, تەرەڭىرەك توقتالدى. كەزدەسۋدە ەكى جاقتى ىنتىماقتاسۋ مەموراندۋمىنا قول قويىلدى.
ءنازيرا جارىمبەت,
«ەگەمەن قازاقستان»
قوستاناي
