بۇل تۋرالى پارلامەنت ءماجىلىسى توراعاسىنىڭ ورىنباسارى ۆلاديمير بوجكو باستاعان دەپۋتاتتاردىڭ ايماقتىڭ قحا وكىلدەرىمەن, ارداگەرلەرمەن, عالىمدارمەن وتكەن باسقوسۋىندا ايتىلدى.
باسقوسۋدا «قازاقستان, ورىس, سلاۆيان, كازاك ۇيىمدارى اسسوتسياتسياسى» زاڭدى تۇلعالار ۇيىمىنىڭ توراعاسى ۆلاديمير بوجكو:
– ءبىز «قازاقستان حالقى اسسامبلەياسى تۋرالى» قولدانىستاعى زاڭعا تولىقتىرۋلار مەن وزگەرىستەر ەنگىزۋ ماسەلەسىن قاراپ, شەشىم قابىلدادىق. وندا اسسامبلەيانىڭ مىندەتى, قۇرىلىمى, قوعامداعى ماڭىزى, ەتنومادەني بىرلەستىكتەردىڭ ءبىلىم جەتىلدىرۋىن, تىركەلۋىن رەتتەيتىن ماسەلەلەر قامتىلعان. بۇگىندە بىرلەستىكتەردىڭ بارلىعى قازاقستان حالقى اسسامبلەياسىنىڭ الدىندا تۇرعان مىندەتتەردى ورىنداۋعا جۇمىلا كىرىسپەگەنى بايقالىپ وتىر. ۇلت بىرلىگى مەن ىنتىماعىن بەكىتە ءتۇسۋ ءۇشىن ەتنومادەني بىرلەستىكتەر ءوز جۇمىسىن جانداندىرا ءتۇسۋى قاجەت, – دەدى.
بۇعان دەيىن پارلامەنت مىنبەرىندە اسسامبلەيانىڭ ءرولىن, قۇرىلىمىن, ماقسات-مىندەتىن ايقىندايتىن ماسەلە قارالعان بولاتىن. «قازاقستان حالقى اسسامبلەياسى تۋرالى» زاڭعا وزگەرىستەر مەن تولىقتىرۋلار ەنگىزۋ تۋرالى ۇسىنىس بۇگىندە سەناتتىڭ قاراۋىنا جىبەرىلگەن. وندا دەپۋتاتتار بارلىق ەتنومادەني بىرلەستىكتەردىڭ تىركەۋدەن ءوتۋىن جولعا قويۋعا ءمان بەرىپ وتىر.
باقتيار تايجان,
«ەگەمەن قازاقستان»
قىزىلوردا وبلىسى
