ياعني مۇنىڭ ءوزى تاياۋداعى جىلدارى وبلىس ورتالىعىنداعى حالىقتىڭ سانى جەتى ءجۇز مىڭعا جەتەدى دەگەن ءسوز. سونداي-اق اقتوبە الداعى جىلداردا ەلىمىزدىڭ ءىرى جانە عىلىمي-مادەني ورتالىقتارىنىڭ بىرىنە اينالماق. ءتىپتى قازىرگى كۇننىڭ وزىندە ۇلكەن شاھار ەلىمىزدىڭ باتىس وڭىرىندەگى ستۋدەنتتەر استاناسىنا اينالىپ ۇلگەردى دەۋگە تولىق نەگىز بار. مۇندا سەگىز جوعارى وقۋ ورنى جانە قىرىقتان استام كوللەدجەردىڭ قىزمەت جاساۋى وسى پىكىرىمىزدىڭ باستى دالەلى.
قازىرگى كەزدە تۇرعىندار سانى جارتى ميلليوندىق شەپكە جاقىنداعان قالادا ەكى اۋدان قۇرۋ ءىسى قولعا الىنعان. بۇعان باستى نەگىز – اقتوبە قالالىق اكىمدىگى مەن قالالىق ءماسليحاتتىڭ «اقتوبە قالاسىنىڭ اكىمشىلىك – اۋماقتىق قۇرىلىمىنا ءتيىستى وزگەرىستەر ەنگىزۋ تۋرالى» قابىلداعان بىرىككەن قاۋلىسى بولىپ وتىر.
اقتوبەلىكتەر ءۇشىن تاريحي ءمانى مەن ماڭىزى جوعارى قابىرعالى قۇجات جەرگىلىكتى ءباسپساسوز بەتتەرىندە جاريالانعان. قالا تۇرعىندارىمەن وتكىزىلگەن قوعامدىق تىڭداۋلار كەزىندە اقتوبە قالاسىنىڭ اكىمى ءىلياس يسپانوۆ وسىلاي دەپ مالىمدەدى.
جوعارىدا ايتىلعانداي اقتوبە قالاسى ۇزدىكسىز دامۋ, ءوسۋ-ورلەۋ ۇستىندە. ونىڭ حالقىنىڭ سانى دا ىشكى ميگراتسيالىق جانە تابيعي ءوسىم ەسەبىنەن جىلدان جىلعا تەز كوبەيىپ كەلەدى. بۇل فاكتوردىڭ ءوزى ەلىمىزدىڭ باتىسىنداعى ءىرى قالا – اقتوبەنى ءتيىمدى تۇردە باسقارۋ ءارى تۇرعىنداردىڭ تالاپ-تىلەكتەرى مەن مۇڭ-مۇقتاجدارىنا جاقىنىراق كەلۋ قاجەتتىلىگىنەن تۋىندايدى.
اتالعان جاڭالىقتى قالا تۇرعىندارى دا قولداپ, قۋاتتاپ وتىر. وسىعان وراي ولار قوعامدىق تىڭداۋلار كەزىندە ءوز وي-پىكىرلەرى مەن ۇسىنىستارىن بىلدىرۋدە. ونىڭ ءبىر بولىگى قۇرىلاتىن اۋدانداردىڭ اتاۋىنا قاتىستى ايتىلۋدا. بۇل ۇسىنىس پىكىرلەردىڭ قاي-قايسىسى دا ەسكەرۋسىز قالمايدى. كەڭەسىپ پىشكەن تون كەلتە بولمايدى دەگەندەي بۇل رەتتە تۇبەگەيلى شەشىم قابىلداۋدىڭ الدىندا قالا تۇرعىندارىمەن تاعى دا ەكى رەت قوعامدىق تىڭداۋلار وتكىزبەك ويدامىز» - دەدى گازەت تىلشىسىنە اقتوبە قالاسىنىڭ اكىمى ءىلياس يسپانوۆ.
تەمىر قۇسايىن,
«ەگەمەن قازاقستان»
اقتوبە
