جيىن بارىسىندا قوعامدىق دەنساۋلىق ساقتاۋ كوميتەتى توراعاسىنىڭ ورىنباسارى بەرىك شاريپوۆ باق-تا باتىس جانە شىعىس قازاقستان وبلىستارىندا ءدارى-دارمەكپەن قامتاماسىز ەتۋدەگى كىدىرىس ماسەلەسى كوتەرىلگەنىن جەتكىزدى.
«قازىرگى تاڭدا قازاقستاندىقتاردى امبۋلاتورلىق ءدارى-دارمەكپەن قامتاماسىز ەتۋ ءۇشىن تىزىمگە ەنگىزىلگەن بارلىعى 494 دارىلىك زاتتار مەن مەديتسينالىق ماقساتتاعى بۇيىمداردىڭ 430 اتاۋى ساتىپ الىندى. بىرىڭعاي ديستريبيۋتور ءتىزىمى بويىنشا ستاتسيونارلىق جانە امبۋلاتورلىق ءدارى-دارمەكپەن قامتاماسىز ەتۋدىڭ جالپى كولەمىنىڭ 95 پايىزى امبۋلاتورلىق جانە ستاتسيونارلىق ءدارى-دارمەكپەن قامتاماسىز ەتۋ ءۇشىن بارلىعى 1040 دانا ساتىپ الىندى. ءالى دە 66 پرەپارات ساتىپ الىنعان جوق. بىراق ولارعا شەكتى باعالار قايتا قاراستىرىلىپ, ساتىپ الۋ قايتادان جاريالاندى», دەدى سپيكەر.
سونىمەن قاتار ول باتىس قازاقستانداعى جاعداي بويىنشا بايانداما جاساپ, قازىر بقو-دا امبۋلاتورلىق تا, ستاتسيونارلىق تا ءدارى-دارمەكپەن قامتاماسىز ەتۋ ءۇشىن دارىلىك زاتتاردىڭ بارلىق قاجەتتى قورلارى بار ەكەنىن جەتكىزدى.
«قاڭتار جانە اقپان ايلارىنا قاجەتتىلىك بويىنشا ساتىپ الىنعان پرەپاراتتار تولىق كولەمدە جونەلتىلدى. قازىر ناۋرىز ايىنا قاجەتتىلىكتى ءدارىحانا پۋنكتتەرىنە جونەلتۋ جالعاسۋدا. سول جەردەن دارىلەر پاتسيەنتتەرگە بەرىلەدى. قازىرگى ۋاقىتتا 2018 جىلدىڭ العاشقى ءۇش ايىندا امبۋلاتورلىق ءدارى-دارمەكپەن قامتاماسىز ەتۋگە جالپى سوماسى 606,1 ملن تەڭگەنى قۇرايتىن 246 دارىلىك زاتتار جانە مەديتسينالىق ماقساتتاعى بۇيىمدار اتاۋى ءتۇستى. بۇل سوما وبلىستىڭ دارىلىك زاتتارعا سۇرانىسىنىڭ جالپى كولەمىنىڭ 63 پايىزىن قۇرايدى. سونىڭ ىشىندە قانت ديابەتىن ەمدەۋ ءۇشىن ايماققا 34 ملن تەڭگە تۇراتىن ءدارى-دارمەكتەر جونەلتىلدى», دەپ اتاپ ءوتتى ول.
راۋان قايدار,
«ەگەمەن قازاقستان»
