الاڭعا كيىز ۇيلەر تىگىلىپ, تەاترلاندىرىلعان كونتسەرت قويىلىپ, كوڭىل كوتەرۋ جانە سايىستىق, بالالار مەن سپورت سۇيەر قاۋىمعا ارنالعان باسقا شاعىن الاڭدار دا كوڭىلدى. قالالىق اكىمدىك حابارىنشا, ەرتىس وزەنى جاعالاۋىنداعى ورتالىق الاڭدا 15 مىڭنان استام ادام ناۋرىزدى مەرەكەلەۋدە. ءتۇرلى ءىس-شارالارعا 600-دەن استام ونەرپاز قاتىسۋدا. قالا تۇرعىندارى مەن ءوڭىر قوناقتارى ءۇشىن 5000-نان اسا باۋىرساق, 300 ليتر كوجە مەن 600 كەلى پالاۋ دايىنالدى. تەگىن بەرىلەتىن تاماقتاردان كەز-كەلگەن ادام ءدام تاتا الادى. الاڭدا «اق داستارحان» باۋىرساق سايىسى ءوتتى. وبلىستىق ءبىلىم باسقارماسىنىڭ ۇيىمداستىرۋىمەن,مەكتەپتەر اشىعان, اشىماعان باۋىرساقتار, ءتاتتى, ماي قوسىلعان, بال قوسىلعان باۋىرساقتار, شي باۋىرساق, شەلپەك باۋىرساق, ۇساق, دوڭگەلەك, قىتىرلاق, سورپاعا قوسىلعان باۋىرساقتاردىڭ ءار ءتۇرىن ازىرلەپ قوناقتارعا ۇسىنۋدا. ورتالىقتان بولەك قالانىڭ 12 شاعىن اۋدانى مەن 8 كاسىپورنىندا مەيرام تويلانۋدا. ورتالىق الاڭدا بۇل كۇنى تەاترلاندىرىلعان ساحنالىق قويىلىم كورسەتىلىپ, وتاندىق ەسترادا جۇلدىزدارى ونەر كورسەتۋدە. ۇلتتىق سپورت تۇرلەرى بويىنشا جارىستار وتكىزىلۋدە. ناۋرىز مەيرامىندا التىناي جوراباەۆا, ءجازيرا مەن جانبولات كەلىپ ءان شىرقادى.
فاريدا بىقاي,
«ەگەمەن قازاقستان»
پاۆلودار
سۋرەتتەردى تۇسىرگەن ۆالەري بۋگاەۆ
