وبلىس ورتالىعىنداعى مەرەكەلىك باعدارلامانى اشىپ, ايماق تۇرعىندارىن قۇتتىقتاعان الماتى وبلىسىنىڭ اكىمى اماندىق باتالوۆ جەتىسۋدىڭ داڭقتى ۇلى, عارىشكەر ايدىن ايىمبەتوۆكە وبلىستىڭ قۇرمەتتى ازاماتى اتاعىن تابىستادى.
باتىر جەرلەسىمىز اتاق-ابىرويدان, ماراپاتتان كەندە ەمەس. بىراق, بۇل اتاقتىڭ ورىنى بولەك. جەتىسۋ جۇرتىنىڭ عارىشكەرگە دەگەن قۇرمەتى. ەل الدىنداعى پارىزىن ابىرويمەن ورىنداعان, وتانىمىزدىڭ گۇلدەنۋىنە ەڭبەك ەتىپ جۇرگەن ازاماتقا ايتىلعان تۋعان ەلدىڭ ريزاشىلىعى, - دەدى وبلىس باسشىسى.
مەرەكەگە جينالعان جۇرت ناۋرىز كوجەدەن ءدام تاتىپ, ونەر شەبەرلەرىنىڭ كونتسەرتىن تاماشالادى. بۇگىن تالدىقورعاندا كۇن رايى دا شۋاق شاشىپ, سىناپ باعاناسى 22 گرادۋس ىستىقتى كورسەتتى.
سونداي-اق, ۇلىستىڭ ۇلى كۇنى قارساڭىندا تەكەلى قالاسىندا 80 پاتەرلىك تۇرعىن ءۇي پايدالانۋعا بەرىلىپ, ۇزاق جىل باسپانا كەزەگىن كۇتكەن ادامدار جاڭا قونىسقا كوشتى.
قالماحانبەت مۇقامەتقالي,
«ەگەمەن قازاقستان».
الماتى وبلىسى
