«وتكەنگە قاراپ, ەرتەڭىڭدى تۇزە» دەگەن وسيەت بار, سەبەبى وتكەننىڭ ونەگەسى – بۇگىنگىنىڭ باعا جەتپەس بايلىعى» دەيدى ءوز سوزىندە ەلباسى. شىنتۋايتىندا, بۇل باستاما ەڭ الدىمەن حالقىمىزدىڭ الەۋمەتتىك جاعدايىن جاقسارتۋعا ايرىقشا سەپتىگىن تيگىزەدى دەپ ويلايمىن. اسىرەسە, ءوز باسىم جاس ۇرپاققا كورسەتىلەتىن قامقورلىقتىڭ باعىت-باعامىن قاتتى سەزىندىم.
ارىگە بارماي-اق تاۋەلسىزدىگىمىزدىڭ تۋىن كوتەرگەن وسىناۋ شيرەك عاسىردىڭ شەڭبەرىندە بولىپ جاتقان, بولىپ وتكەن قوعامدىق قۇبىلىستاردى سارالاپ كورەيىكشى. قوعام وزگەرىپ, جاڭا ساتىعا كوتەرىلدى. بۇگىنگى جاس ۇرپاق كەشەگى داۋىرلەگەن كەڭەستىك زاماننىڭ ءومىر وتكەلدەرىنەن مۇلدەم بەيحابار. ەلىمىزدىڭ جوعارى ورىندارىندا ەڭبەك ەتكەن, باسقارعان كەزەڭدەر كوز الدىمدا, ءبىلىم قۋعان جاس وسكىن قولىنا ديپلومى تيگەن ساتتەن باستاپ وتباسىن قۇرىپ, باسپانالى بولعىسى كەلەدى. جاسىراتىنى جوق, مۇنىڭ ادام ايتقىسىز قيىندىقتارى بار ەدى. قالىپتى جاعدايمەن بانكىگە باس سۇققان جاس مامان نەسيە الۋ ءۇشىن ءتيىستى جالاقىسىن تۇتاستاي بەرسە دە وعان قول جەتكىزە المايتىن. سوندىقتان دا پرەزيدەنتتىڭ «7 – 20 – 25» باعدارلاماسى – بۇگىنگى كۇننىڭ ەڭ وزەكتى ماسەلەسى ءارى ول ەندىگىدە ناقتى شەشىمىن تاپقانداي. ەندى باسپاناعا قولى جەتە الماي جۇرگەن قانشا جاس وتباسى ءۇشىن نەگىزىنەن يپوتەكالىق زايم الۋدىڭ مۇمكىندىگى تۋدى. ءبىزدى قۋانتقانى دا وسى ەدى. ەلباسىنىڭ ەل ومىرىندەگى تەڭدەسسىز بۇل باستاماسى شىن مانىندە قوعامدا ۇلكەن سەرپىلىس تۋعىزاتىنى داۋسىز. ءبىر الماتىنىڭ وزىندە قانشاما تۇرعىن ءۇي سالىنىپ ءبىتتى. سالىناتىنى قانشاما؟!
دەمەك كەشەگى اۋديتوريادا ءوزىم ءدارىس وقىعان ەلىمىزدىڭ بولاشاعى ءۇشىن بۇل ءوزى ەڭ ءبىر جايلى ءارى جاعىمدى كەزەڭ بولدى دەپ ءتۇيىپ وتىرۋىمنىڭ سەبەبى دە سول. قازاقتا ء«ۇي بولماي, كۇي بولمايدى» دەگەن ماقال بار. باسپانالى بولعان جاستارىمىزدىڭ تاۋ قوپارىپ, تاستى جاراتىنىنا سەنەمىن.
قالالىق ارداگەرلەر ۇيىمىنىڭ تىنىس-تىرشىلىگى كوز الدىمدا ءوتىپ جاتىر. ەل باسشىسىنىڭ حالىققا ۇندەۋىنىڭ كوكەيتەستىلىگىن سول كۇنى-اق ارداگەرلەر قاۋىمداستىعى تالقىلاپ تا تاستادىق. بولاشاعىمىز, جاستارىمىز ءۇشىن قۋاندىق. ۋاقىتتى سوزباي ەل ۇكىمەتىنىڭ پرەزيدەنت باستاماسىن جۇزەگە اسىرۋدىڭ مەملەكەتتىك ناقتى شارالارىن قاراستىرىپ, جۇزەگە اسىرۋدىڭ باعدارلامالارىن جاساي باستاعانى دا اسا قۇپتارلىق ءىس. جاستار – ءبىزدىڭ ەرتەڭىمىز. بەس باستامانىڭ ىشىندەگى بارشامىزعا ەڭ جاقىنى تۋرالى بۇگىنگى وي قوزعاۋىمنىڭ سەبەبى دە سول. ەلدەگى ىرىس پەن ىنتىماقتىڭ ارقاسىندا وتانىمىز كوركەيىپ, ءوسىپ كەلەدى. ال ادام كاپيتالى – ونىڭ شەشۋشى تارماعى. ۇندەۋدە وسى ۇعىمعا اسا باسىمدىق بەرىلۋى دە سوندىقتان دەپ ويلايمىن.
ەرەنعايىپ شايحۋتدينوۆ,
قالالىق ارداگەرلەر كەڭەسىنىڭ توراعاسى
الماتى
