اعىمداعى جىلدىڭ اقپان ايىندا عىلىمي جۇمىستاردى قارجىلاندىرۋ بايقاۋىنىڭ ناتيجەلەرىن جاريالاعان سوڭ بىرقاتار عالىمدار داۋلى ساۋالدارىنا جاۋاپ قايىرۋدى ءوتىنىپ ۇلتتىق عىلىمي كەڭەستەرگە, قر بعم, عىلىم كوميتەتىنە, باسقا دا مەملەكەتتىك ورگاندارعا جانە باق-نا شىققان ەدى. ولارعا سايكەسىنشە تۇسىنىكتەمەلەر بەرىلگەن بولاتىن.
وسىعان قاتىستى yvision.kz ينتەرنەت-رەسۋرسىندا مەملەكەتتىك ورگاننىڭ قىزمەتىندە سىبايلاس جەمقورلىق جۇيەسى قۇرىلدى دەپ ايىپ تاعۋ سيپاتىنداعى جالا جابۋ جاريالانىمدارى شىقتى. بۇل جالعان اقپاراتتىڭ بارلىعى فەيكتىك نيك ارقىلى جاريالاندى. سونىمەن قاتار عىلىم كوميتەتىنە بۇقارادا تاراتىلىپ جاتقان ەلباسىنا ۇندەۋدە قويىلعان قولدار جالعان ەكەنى تۋرالى عالىمداردىڭ شاعىمى كەلىپ ءتۇستى.
جالعان اقپاراتتىڭ تاراۋىنا بايلانىستى, ءىس جۇزىندەگى زاڭناماعا ساي ءبىز قۇقىق قورعاۋ ورگاندارىنا قازاقستان رەسپۋبليكاسىنىڭ اتالمىش زاڭىنىڭ بۇزىلۋىنا قاتىستى تەكسەرىس جۇرگىزىپ, شارالار قولدانۋ تۋراسىندا ارىز بەرۋگە ءماجبۇر بولدىق.
ءبىزدىڭ مالىمەتتەر بويىنشا پوليتسيا فەيكتىك ەسىمدەرمەن جالعان اقپاراتتى قاساقانا تاراتقان ادامداردى ىزدەستىرىپ جاتىر. داۋلى ساۋالدارىمەن اشىق تۇردە ورتاعا شىققان عالىمدارعا ءبىزدىڭ ەش نارازىلىعىمىز جوق. سوندىقتان عالىمدارعا ۋايىمدايتىن ەش سەبەپ جوق - عىلىم كوميتەتى اشىق, بىراق ءبىر مەزگىلدە سىندارلى پىكىرتالاس وتكىزۋگە دايىن, مۇنداي ءوزارا پىكىر الماسۋلار سوڭعى كەزدە ءجيى ءوتىپ تۇردى, ونىڭ ىشىندە باق-دا دا.
بۇل جاعدايدا كوپشىلىكتى وزدەرىن دۇرىس ۇستاپ, ويدان شىعارىلعان اقپاراتتى جەلىلەر مەن باق-دا تاراتپاۋدى, تەك شىندىققا جاناساتىن تۇجىرىمدامالاردى تاڭداۋلارىڭىزدى وتىنەمىز.
