ماقسات – ۇيلەسىمدى ساياسات جۇرگىزۋ

كەشە ماسكەۋدە قازاقستان رەس­پۋب­ليكاسى پارلامەنتى سەناتى مەن رەسەي فەدەراتسياسى فەدە­رال­دى جي­نالىسى فەدەراتسيا كەڭە­سىنىڭ ارا­سىنداعى پارلامەنتتىك ىنتى­ماق­تاس­­تىق توپتارىنىڭ بەسىنشى وتى­رىسى بولدى, دەپ حابار­لادى قا­زاق­ستان رەسپۋبليكاسى پار­­لامەنتى سە­نا­تىنىڭ ءباسپاسوز قىزمەتى. قازاقستاندىق دەلەگاتسياعا ىنتى­ماقتاستىق توبىنىڭ قازاقستاندىق جا­عىنىڭ تەڭ توراعاسى, پارلامەنت سە­ناتى الەۋمەتتىك-مادەني دامۋ كوميتەتىنىڭ توراعاسى اقان بيجانوۆ باسش­ىلىق ەتتى. وتىرىستا ءبىلىم بەرۋ جانە عى­لىمي-تەحنيكالىق سالالارداعى ىن­تى­ماق­تاستىقتى ودان ءارى دامىتۋ, ءبىر­تۇتاس ەكونوميكالىق كەڭىستىك جاعدا­يىندا دارىگەرلىك ماقساتتاعى تاۋار­لاردى زاڭداستىرۋدا ۇيلەسىمدى ساياسات ازىرلەۋ ماسەلەلەرى تالقىلاۋدىڭ باستى تاقىرىبى بولدى. وتىرىستا ءسوز العان رەسەي ءبىلىم جانە عىلىم, ونەركاسىپ جانە ساۋدا مينيستر­لىكتەرىنىڭ وكىلدەرى قاتىسۋ­شى­لاردى جوعارى تەحنولوگيا مەن عىلىمي اۋقىمدى جوبالاردى ءوندىرىس­كە ەنگىزۋگە باعىتتالعان بىرلەسكەن شارالار تۋرالى حاباردار ەتتى. سونداي-اق ءبىرتۇتاس ەكونوميكالىق كەڭىس­تىك جاعدايىندا دارىگەرلىك ماق­ساتتاعى تاۋارلاردى زاڭداستىرۋ سالا­سىن­دا ۇيلەسىمدى ساياسات جۇرگىزۋ تۋرا­لى اقپا­رات دەپۋتاتتاردىڭ نازا­رىنا ۇسى­نىلدى. ءبىلىم بەرۋ, عىلىم جانە دەنساۋ­لىق ساقتاۋ سالالارى بويىنشا ۇلت­تىق زاڭنامالاردى جەتىلدىرۋ مەن ءبىر­ىزدەندىرۋ جونىندەگى ۇسىنىس­تاردى ەسكەرە وتىرىپ, وتىرىستا ءتيىستى ۇسى­نىمدار ازىرلەندى. قازاقستان رەسپۋبليكاسى پارلامەنتى سەناتى مەن رەسەي فەدە­راتسياسى فەدەرالدى جينالىسى فەدەراتسيا كەڭەسىنىڭ اراسىنداعى پارلامەنتتىك ىنتىماقتاستىق توپتارىنىڭ كەزەكتى وتىرىسىن 2012 جىلدىڭ ەكىنشى جار­تى جىلدىعىندا قازاقستاندا وتكىزۋ جوسپارلاندى. بۇل ىنتىماقتاستىق توپتارى قازاقستان مەن رەسەي پارلامەنتتەرى جوعارعى پالاتالارىنىڭ شەشىمىمەن 2007 جىلى قۇرىلعان بولاتىن.