ەلدىكتىڭ ەڭ باستى بەلگىسى

ءار ەلدىڭ اۋماعى مەن شەكاراسى­نىڭ بولۋى – سول مەملەكەتتىڭ ەل­دىگىنىڭ ەڭ نەگىزگى بەلگىسى بولىپ تابىلادى. مىسالى, ءبىزدىڭ ەلىمىزدىڭ مەملەكەتتىك شەكاراسى 14 مىڭ شا­قىرىمنان استام قاشىقتىقتى الىپ جاتىر.  بەس مەملەكەتپەن, رەسەي فە­دەراتسياسىمەن, تۇركىمەن­ستان­مەن, ءوز­بەكستانمەن, قىرعىز­ستانمەن ءجا­نە  قى­تايمەن شەكتەسەدى. سونداي-اق, با­تىس­تا حازار (كاسپي) تەڭى­زىمەن, وڭ­تۇستىكتە ارال تەڭىزىمەن شايىلا­دى. سونىڭ ىشىندە جامبىل وبلىسى وڭ­تۇس­تىگىندە قىر­عىز رەس­پۋبليكاسى­مەن 716 شارشى شاقى­رىم­دا شەكتەسەدى. مەملەكەتتىك شەكارانى دەماركاتسيالاۋ جۇمىستارى جامبىل وب­لى­سىندا 2001 جىلى 15 جەلتوق­سان­دا باستالىپ, 2008 جىلى 15 تامىز ايىندا كۇشىنە ەنگەن «قازاقستان – قىرعىز مەملەكەتتىك شەكاراسى تۋ­رالى» شارتقا جانە قر ۇكىمەتىنىڭ قاۋلىلارىنا سايكەس جۇرگىزىلدى. وبلىستا تۇتاستاي العاندا مەملەكەتتىك شەكارانى كۇزەتۋ مەن قور­عاۋدى قامتاماسىز ەتۋ ماقساتىنا ۇلتتىق قاۋىپسىزدىك كوميتەتىنىڭ شەكارا قىزمەتىنە تۇراقتى پايدا­لانۋعا 7111 گا جەر ۋچاسكەلەرى وب­لىس اكىمىنىڭ قاۋلىسىمەن راسىمدە­لىپ بەرىلدى. جەرگە ورنالاستىرۋ جۇ­مىستارىن ەكى جىلدان اسا  جامبىل عىلىمي وندىرىستىك ورتالىعى مەكە­مەسىنىڭ باستىعى ن.ارتاەۆ باستا­عان ۇجىم اسا جاۋاپكەرشىلىكپەن جۇزەگە اسىردى. شەكارا سىزىعىنا تىكەلەي جاناساتىن 281 جەر مەنشىك يەلەرى مەن جەر پايدالانۋشىلاردان جەر ۋچاسكەلەرى الىندى. بۇزىلۋعا نەمەسە كوشىرىلۋگە جاتاتىن 60-تان اسا ءتۇرلى قۇرىلىس نىساندارى مەن تۇرعىن ۇيلەر قر جەر كودەكسىنىڭ نورمالارى مەن  زاندارىنا سايكەس وتەماقى تولەۋمەن شەشىلدى. وسىنداي اۋقىمدى جۇمىستارعا اۋدان اكىمدىگى مەن جەر قاتىناستارى ماماندارىنىڭ قوسقان ۇلەسى كوپ. مەملەكەتتىك ماڭىزدى ءىس بارى­سىندا وزدەرىنە تيەسىلى جەرلەرىنە, تۇرعىن ۇيلەرى مەن نىساندارىنان ايىرىل­عان جانە تۇسىنىستىكپەن قا­راعان جەرلەستەرىمىزگە ايتاتىن ال­عىسىمىز شەكسىز. سەبەبى, قويناۋى قۇت وسىناۋ ۇلان-عايىر مەكەندى كوز­دىڭ قارا­شىعىنداي ساقتاپ, بولاشاق ۇرپاققا قالدىرۋ, بابالار امانا­تىنا ادال­دىعىمىز بولسا كەرەك. مۇنىڭ ءبارى, ارينە, قازاقستاننىڭ تۇڭعىش پرەزيدەنتى – ەلباسى ن.ءا.نا­زارباەۆتىڭ تاباندىلىعى مەن ەرىك-جىگەرىنىڭ ارقاسىندا ءتۇپ­كى­لىكتى شەشىمىن تاپتى. ويتكەنى, شەكاراعا قاتىستى وسىناۋ شەتىن ماسەلە بىرقاتار مەملەكەتتەر ءۇشىن ءالى كۇنگە دەيىن وزەكتى بولىپ وتىر­عانى بەلگىلى. ەلىمىزدە تاۋەلسىزدىك تۋى جەلبىرەگەلى  20 جىل ۋاقىت بولدى. سودان بەرى حالىقتىڭ بەرەكە-بىرلىگىن وي­لاستىرىپ, رۋحىن كوتەرۋ جانە ەل ەڭسەسىن الەۋمەتتىك تۇرعىدان تىكتەۋ ىسىندە قىرۋار شارۋا اتقارىلدى. مەملەكەتىمىزدىڭ تاريحىنىڭ ءتۇپسىز تەرەڭدىگىن, جەر بايلىعىنىڭ باعا جەتپەس مولدىعىن, حالقىنىڭ بەيبىتشىلىك سۇيگىشتىگى مەن ەڭبەكقور­لىعىن جانە ءبىلىمى مەن بىلىگىن ءدۇ­نيە ءجۇزى مويىندادى. مۇنىڭ ءبارى ەلدىگىمىزدىڭ ەڭ باستى بەلگى­لەرىنىڭ ءبىرى – مەملەكەتتىك شەكارا­مىزدىڭ مىعىم بولۋىنا قىزمەت ەتۋدە. باقتيار   كوپبوسىنوۆ, جامبىل وبلىسى اكىمدىگى جەر قاتىناستارى باسقارماسىنىڭ باستىعى. جامبىل وبلىسى.