مەملەكەت باسقارۋ ونەرىنىڭ ىرگەتاسى

قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىندا ەل تاۋەلسىزدىگىنىڭ 20 جىلدىعىنا ورايلاستىرىلعان «ءتيىمدى مەملەكەتتىك باسقارۋ» اتتى ءىىى اكادەميالىق سيمپوزيۋم بولىپ ءوتتى. اتالعان سيمپوزيۋم حانس زايدەل (گفر) اتىنداعى قور مەن بۇۇ دامۋ باعدار­لا­ما­سىنىڭ ۇيىمداستىرۋىمەن ءوت­كىزىلدى. سيمپوزيۋمدا قازاق­ستان رەسپۋبليكاسىنىڭ مەملەكەتتىك باسقارۋ ماسەلەلەرى, ءۇر­دىستەرى مەن پەرسپەكتيۆالارى سەكىلدى تاقىرىپتار تالقى­لان­دى. سەكتسيالىق ماجىلىستەرگە الەمنىڭ 13 ەلىنەن كەلگەن سا­راپشىلار, اكادەميانىڭ دوك­تورانتتارى مەن پروفەس­سور­لىق-وقىتۋشىلار قۇرامى, سون­داي-اق وتاندىق جوعارى وقۋ ورىندارى مەن عىلىمي-زەرت­تەۋ مەكەمەلەرىنىڭ وكىلدەرى قاتىستى. اتاپ ايتقاندا, حانس زايدەل اتىنداعى قوردىڭ وكىلى م.مايەر, ەۋروپا ديپ­لوماتيالىق اكادەمياسىنىڭ ديرەكتورى ي.سەميناتورە (بەل­گيا), وكسفورد ۋنيۆەرسيتەتى كوشباسشىلىق جانە مەملەكەتتىك ساياسات جونىندەگى باعدارلاماسىنىڭ ديرەكتورى ا.حادسون, ستەنفورد مەملەكەتتىك ساياسات مەكتەبىنىڭ پرو­فەسسورى دج.تام, فرانتسيا مەملەكەتتىك باسقارۋدىڭ ۇلت­تىق مەكتەبى (ەNا) حالىق­ارالىق دامىتۋ دەپارتامەنتى ديرەكتورىنىڭ ورىنباسارى م.بريۋننەر, بۇكىلالەمدىك بانك­تىڭ مەملەكەتتىك قىزمەت ماسەلەلەرى بويىنشا اعا كە­ڭەس­شىسى ۋ.ديللەندجەر, ءتۇر­كيا جوعارعى سوتىنىڭ مۇشەسى س.سەزاي ۋرال سەكىلدى مەملەكەتتىك باسقارۋ ءىسىنىڭ بىلگىر ماماندارى بايانداما جاساپ, ءوز پىكىرلەرىن ورتاعا سالدى. بۇدان وزگە سيمپوزيۋم جۇمىسى شەڭبەرىندە وتاندىق كورنەكتى ساراپشىلاردىڭ تىكەلەي قاتىسۋىمەن اكادەميا عالىمدارى دايىنداعان مەملەكەتتىك باسقارۋ سالاسىنداعى تاقىرىپتىق باياندامالار بوي­ىنشا عىلىمي-زەرتتەۋ جۇمىس­تا­رىنىڭ تۇساۋكەسەر شاراسى بولدى. سونىمەن قاتار, مەملەكەتتىك باسقارۋ اكادەمياسى قاۋىمداستىققا مۇشە ەلدەر ارا­سىندا ەۋرازيا قاۋىمداس­تى­عىنىڭ قولداۋىمەن اعىم­داعى جىلى وتكىزىلگەن وقۋ باع­دارلامالارى بويىنشا ەڭ ءۇز­دىك ءبىلىم الۋشىلار مەن دا­مىتۋشىلاردىڭ حالىقارالىق كونكۋرسىنىڭ جەڭىمپازدارىن ماراپاتتاۋ ءراسىمى ءوتتى. قانات ەسكەندىر. استانا.